ئێستا؛ یاریزانێکی دیکە ماڵئاوایی لە ریال مەدرید دەکات
هەر لە لالیگا دەمێنێتەوە
یاریگا –
فران گارسیا، بەرگریکاری ئیسپانی ریال مەدرید جێدەهێڵێت و پەیوەندی بە ریال بێتیس دەکات.
رۆژنامەنووسی باوەڕپێکراو ماتیۆ مۆریتۆ بڵاویکردووەتەوە، ریال بێتیس لە گواستنەوەی فران گارسیا، بەرگریکاری ریال مەدرید نزیکبووەتەوە و یانە ئیسپانییەکە ئامادەیە گرێبەسێک بۆ ماوەی چوار وەرز لەگەڵ فران گارسیا واژۆ بکات.
Exclusiva. El Betis avanza en el fichaje de Fran García, que está listo para firmar un contrato de cuatro años. @marca pic.twitter.com/95sCFaNSJz
— Matteo Moretto (@MatteMoretto) July 8, 2026
ریال مەدرید هاوینی رابردوو بە بڕی 50 ملیۆن یۆرۆ گرێبەستی لەگەڵ ئالڤارۆ کارێراس، بەرگریکاری باڵی چەپی بێنفیکا واژۆکرد، لەم هاوینەش بە 55 ملیۆن یۆرۆ، مارک کوکورێیا بەرگریکاری باڵی چەپی چێڵسی گواستەوە دەرفەتی یاریکردنی فران گارسیا زۆر کەمبووەتەوە.
فران گارسیا هاوینی 2023 رایۆ ڤایێکانۆی جێهێشت و بە 5 ملیۆن یۆرۆ پەیوەندی بە ریال مەدرید کرد، لە هاوینی 2027 گرێبەستەکەی لەگەڵ مێرێنگی بەسەردەچێت. بەهای ئێستای ئەو یاریزانە لە بۆڕسەی یاریزانان 10 ملیۆن یۆرۆیە.
ئەو بەرگریکارە 26 ساڵانییە لە سەرجەم پاڵەوانێتییەکان 109 یاریی بۆ ریال مەدرید کردووە، سێ گۆڵی کردووە و 13 گۆڵی دروستکردووە.
