ئێستا؛ مەرمووش پشکنینی پزیشکی لە مانچێستەر سیتی دەکات

یاریگا –

عومەر مەرمووش ئێستا پشکنینی پزیشکی لە مانچێستەر سیتی دەکات.

تۆڕی سکای سپۆرتس بڵاویکردووەتەوە، یاریزانی نێودەوڵەتی میسڕی، دوای تەواوکردنی پشکنینەکانی پزیشکی، ئەمڕۆ بە میدیاکان دەناسێندرێت.

مەرمووش، یاریزانی ئێنتراخت فڕانکفورت، گرێبەستێک تاوەکو ساڵی 2030 لەگەڵ مان سیتی واژۆدەکات و دەبێتە سێیەم گرێبەستی مێرکاتۆی ئەم زستانە.

مەرمووش لەم وەرزەدا 15 گۆڵی لە بۆندسلیگا کردبوو، لە ریزبەندی گۆڵکاران تەنیا یەک گۆڵ لە دواوەی هاری کەین، هێرشبەری بایرن میونشنەوە بوو.

هەفتەی رابردوو، مەرمووش لەسەر تەواوی مەرجەکانی کەسی لەگەڵ مان سیتی رێککەوت و پاشان هەردوو یانەکە لەسەر بەهاکەی گەیشتنە رێککەوتن.

بەگوێرەی زانیارییەکانی تۆڕە بەریتانییەکە بێت، مان سیتی بەبڕی 67.5 ملیۆن پاوەند ئێنتراختی بە گواستنەوەی مەرمووش رازیکردووە.