یاریگا –
ئەنجامە ناوازەکانی لیڤەرپوول بە راهێنەرایەتی ئارنە سڵۆت بەردەوامیی هەیە و شەوی رابردووش لە جامی کارابا و لە ساوهامپتنی بردەوە و خۆی گەیاندە یاری پێش کۆتایی جامەکە.
ئارنە سڵۆت و تیمەکەی لە سەرجەم و خول و پاڵەوانێتیەکاندا وەک رکابەر و پاڵێوراو خۆیان پیشانداوە. لە پرێمەرلیگ دوای 15 هەفتە پێشەنگن و لە چامپیۆنزلیگیش دوای هەفتەی 6 بەهەمان شێوە.
راهێنەرە هۆڵەندیەکە لەوەتەی لە هاوینی رابردوو دوای یۆرگن کڵۆپ ئەرکەکەی وەرگرتووە، تا ئێستا 24 یاریی ئەنجامداوە و تەنها یەک دۆڕانی هەیە ئەویش بەرامبەر نۆتینگهام فۆرێست بوو لە خولی ئینگلیزی.
بەگوێرەی زانیاریەکانی تۆڕی ئۆپتا بۆ ئامار و ریکۆردەکان، سڵۆت بە بردنەوەی 20 یاریی لە کۆی 24، تاکە راهێنەرە لەدوای ویڵیام سودێڵ لەگەڵ یانەی پریستن (1888-1889)، بتوانێ ئەو ژمارە یارییە لەگەڵ یانەیەکی خولی یەکەمی تۆپی پێی ئینگلیزی بباتەوە. ئەوەش واتا بۆ ماوەی 136 ساڵ هیچ راهێنەرێک نەیتوانیبوو ئەو کارە ئەنجام بدات.
20 – Arne Slot has won 20 of his 24 games in charge of Liverpool in all competitions (D3 L1), the joint-fastest any manager has reached 20 wins in charge of English top-flight clubs, alongside William Sudell with Preston in 1888-89. Blocks. pic.twitter.com/r21vYBOwsa
— OptaJoe (@OptaJoe) December 19, 2024
یەکشەممەی داهاتوو سڵۆت و جەنگاوەرانی لە ئاڵنگاریەکی قورسدا دەبنە میوانی یانەی تۆتنهام لە میانی هەفتەی 17ی پرێمەرلیگ.
