چیرۆکێکی سەرنجڕاکێش؛ کازۆرلا بەبێ مووچە لە یانەیەکی پلە دووی ئیسپانیا یاریی دەکات
دەیەوێت یانەکەی منداڵی بگەڕێنێتەوە ریزی یانە پلە یەکەکانی ئیسپانیا
یاریگا –
سانتی کازۆرلا کە دوێنێ یادی رۆژی لەدایکبوونیەتی و تەمەنی دەبێتە 40 ساڵ، لە ریزی یانە پلە دووەکانی ئیسپانیا یاریی دەکات و دەیەوێت یانەی ریال ئۆڤیێدۆ بگەڕێنێتەوە ریزی یانە پلە یەکەکان، کە هەر لەو یانەیە دەستی بە یاریی کردووە.
کازۆرلا هاوینی 2023 لە هەڵوێستێکی کەموێنە و وەفادارانەدا گرێبەستی لەگەڵ ریال ئۆڤیێدۆی ئیسپانی واژۆکرد و بڕیاریدا بێبەرامبەر یاریی بۆ ئەو یانەیە بکات، کە ساڵانی 1996 تاوەکو 2003 لە ریزی تیپی لاوانی ئەو یانەیە یاریی کردووە، هاوینی رابردوو دوای ئەویە گرێبەستە یەک ساڵانەکەی تەواو بوو، گرێبەستەکەی بۆ ئەم وەرزەش نوێکردەوە و تاوەکو هاوینی 2026 گرێبەستی لەگەڵ یانەکەی هەیە.
💙 𝙏𝙪 𝙛𝙚𝙡𝙞𝙘𝙞𝙙𝙖𝙙 𝙚𝙨 𝙡𝙖 𝙣𝙪𝙚𝙨𝙩𝙧𝙖#FelicidadesCazorla #RealOviedo 🔵⚪ pic.twitter.com/ekaqe8yjcZ
— Real Oviedo (@RealOviedo) December 13, 2024
کازۆرلا پێش ئەوەی ساڵی 2003 بچێتە ریزی یانەی ڤیاڕیال و لە تیپی لاوانی ژێردەریا زەردەکان یاریی بکات، بۆ ماوەی حەفت ساڵ لە یانەی ریال ئۆڤیێدۆ یاریی کردووە، کە لە کاروانی وەرزشی خۆیدا درێسی هەریەکە لە یانەکانی ڤیاڕیال، ریکریاتیڤۆ هوێلڤا، مالەگە، ئارسیناڵ و سەدی قەتەڕی یاریی کردووە، بە درێسی هەڵبژاردەی ئیسپانیاش خاوەنی 81 یاریی نێودەوڵەتی و 15 گۆڵە.
کازۆرلا کاتێک گرێبەستی لەگەڵ ریال ئۆڤیێدۆ واژۆ کرد، بڕیاریدا بێبەرامبەر یاریی بۆ ئەو یانەیە بکات، بەڵام لە رووی یاساییەوە رێگای پێنەدرا، بۆیە بڕیاریدا کەمترین مووچە لە یانەکە وەربگرێت.
😇 Le hicimos creer que nadie se había acordado…
¡Pero le esperaba esta sorpresa en el vestuario! 💙 @19SCazorla#FelicidadesCazorla 💫#RealOviedo 🔵⚪️ pic.twitter.com/UG0TeZTeZS
— Real Oviedo (@RealOviedo) December 13, 2024
کازۆرلا دەڵێت :’من داوامکرد بێبەرامبەر یاریی بۆ یانەکە بکەم، بەڵام ئەوان رازی نەبوون و یاسا رێگای نەدەدا، بە بەڕێوەبەری کارەکانم گوت من پارەم ناوێت، ٪10ـی پارەی فرۆشتنی درێسەکانیشم با بۆ ئەکادیمیای یانەکە بێت، هەر ئەو شەوە گرێبەستەکەم واژۆکرد’.
کازۆرلا مووچەی ساڵانەی تەنیا 91 هەزار یۆرۆیە و لەسەر ئاتسی سەرجەم یاریزانانی خولی پلە دووی ئیسپانیا خاوەنی کەمترین مووچەیە.
ریال ئۆڤیێدۆ لە خولی پلە دووی ئیسپانیا بە کۆکردنەوەی 29 خاڵ لە پلەی هەشتەمی ریزبەندی دێت، کە خاوەنی پلەی یەکەم و دووەم راستەوخۆ بۆ لالیگا سەردەکەون و پلەکانی سێیەم و چوارەم و پێنجەم و شەشەم پاڵاوتن دەکەن بۆ ئەویە بلیتی سێیەمی سەرکەوتن بۆ لالیگا یەکلا بکەنەوە.
