ئەستێرەیەکی تۆپی پێی پۆرتوگالی وازی لەیارییکردن هێنا

یاریگا –

ئەستێرەیەکی تۆپی پێی پۆرتوگال و ناوێکی دیاری لە مێژووی 20 ساڵی رابردووی ئەوروپا وازهێنانی یەکجاریی لە یاریکردن راگەیاند.

لە پۆستێکیدا لە پێگەی فەرمی خۆی لە ئینستاگرام، لویس نانی لە تەمەنی 38 ساڵیی ماڵئاوایی لە لاکێشەی سەوز کرد و سوپاسی تۆپی پێی کرد.

نانی لە ساڵی 2005 لە رێگەی سپۆرتینگ لشبۆنەی وڵاتەکەیەوە کاروانی پیشەگەرێتی دەستپێکرد. دوای 2 ساڵ گواسترایەوە مانچێستەر یونایتد و ماوەی 8 ساڵ لە ئۆڵدترافۆرد مایەوە.

نانی لە بڕیاری وازهێنانەکەیدا نووسیویەتی

ئەو کاتە گەشت کە بڵێم ماڵئاوا. من وەک یاریزانێکی پیشەگەر بڕیارمدا کۆتایی بە کاروانەکە بهێنەم. ویستم سوپاسی هەرکەسێک بکەم لە ماوەی ئەو 20 ساڵەی بەرزی و نزمیدا هاوکار و پاڵپشتم بوون و یادەوەری خۆشیان پێدام. کاتی هەڵدانەوەی پەڕەیەکی نوێ و تەرکیز خستنەسەر ئامانج و خەونی نوێیە.

دوایین یانەی نانی ئیسترلێلا ئامۆدۆرای وڵاتەکەی بوو کە هەر ئەم ساڵ پەیوەندی پێوەکردبوون.

https://www.instagram.com/reel/DDVAycUAHIl/

ئەو ئەستێرە پۆرتوگالیە لەگەڵ مان یو 4 جار خولی ئینگلیزی و جارێکیش چامپۆنزیگی بەدەستهێناوە. لەگەڵ هەڵبژاردەکەشی بوو بە پاڵەوانی یۆرۆی 2016. ئەوە جگە لە 3 نازناوی خولی پۆرتوگالی لەگەڵ سپۆرتینگ.