یاریگا –
یانەی کریستاڵ پاڵاس لە نیازی یانەکانی دیکە، بەتایبەت مانچێستەر سیتی تێگەشتووە کە هەوڵەکانیان بۆ گواستنەوەی ئادام وارتن جیددیە.
سیتی یەکێکە لە خوازیارە سەرسەختەکانی ئەو یاریزانە ئینگلیزیە. ئەوە بەتایبەت دوای پێکانە قورسەکەی رۆردی کە ئەم وەرزی بۆ کۆتایی هاتووە.
پێپ گواردیۆلا وەک چارەسەرێکی سەرەتایی دەیەوێ سوود لە تواناکانی وارتن ببینیێت بۆ هێڵی ناوەند لە جێی رۆدری.
دایریکردنی ئەو یاریزانە لەنێو چەند بژاردەیەکی دیکەدابوو بۆ شوێنەکەی رۆدری، بەڵام وا دیارە کریستاڵ پاڵاس ئەو پلانە لە مان سیتی تێکدەدات.
بەگوێرەی زانیارییەکانی رۆژنامەی مەیڵی بەریتانی، کریستاڵ پاڵاس هیچ نیازێکیان نییە ئەم زستانە ئادام بفرۆشن.
رەنگە هۆکارێکی سەرەکی پشت ئەو هەڵوێستەیان بەهۆی دۆخی خراپی یانەکەوەبێ لەڕووی ئەنجامەکانی ئەم وەرزەیانەوە کە ئێستا لە پلەی 17ی پرێمەرلیگ دێن و ژمارەی خاڵەکانیان 9 خاڵە هاوشێوەی ئەو سێ یانەی ناوچەی دابەزینە بۆ چامپیۆنشیپ کە ئەوانیش وڵڤرهامپتن، ئێپسویچ تاون و ساوسهامپتنن.
