یوڤێنتوس بەرگریکارێکی ناوداری پرێمەرلیگی دەوێت
یەکێکە لە ئامانجە سەرەکییەکان
یاریگا –
یوڤێنتوس دەیەوێت جۆن ستۆنز، بەرگریکاری پێشووی مانچێستەر سیتی بگوازێتەوە ریزەکانی.
تۆڕی سکای ئیتاڵیا بڵاویکردووەتەوە، یوڤێنتوس بیر لەوە دەکاتەوە لەم هاوینە گرێبەست لەگەڵ جۆن ستۆنز، یاریزانی دڵی بەرگری هەڵبژاردەی ئینگلتەڕا واژۆ بکات.
جۆن ستۆنز لەم هاوینە گرێبەستەکەی لەگەڵ مانچێستەر سیتی کۆتاییهات و ماڵئاوایی لە سیتیزنس کرد و دەتوانێت بەخۆڕایی پەیوەندی بە یانەیەکی دیکە بکات.
BREAKING: John Stones is one of the central defenders Juventus are considering this summer, according to Sky in Italy.
Stones is available on a free transfer after he left Manchester City upon the expiry of his contract 🚨 pic.twitter.com/DWOcgz2VG8
— Sky Sports News (@SkySportsNews) July 7, 2026
ئەو بەرگریکارە 32 ساڵانییە یەکێکە لەو بژاردانەی کە یوڤێنتوسی ئیتاڵی بیر لە گواستنەوەی دەکاتەوە بەڵام تاوەکوو ئێستا گفتوگۆی بۆ گواستنەوەی نەکردووە.
ستۆنز لە هاوینی 2016 ئێڤەرتنی جێهێشت و بە 55.60 ملیۆن یۆرۆ پەیوەندی بە مانچێستەر سیتی کرد، بە درێسی سیتیزنس لە سەرجەم پاڵەوانێتییەکان بەشداریی 295 یاریی کردووە، 19 گۆڵی کردووە و 9 گۆڵی دروستکردووە.
شەش نازناوی پرێمەرلیگ، یەک نازناوی چامپیۆنزلیگ، یەک سوپەری ئەوروپا، یەک جامی جیهانی یانەکان، سێ جامی یەکێتی ئینگڵتەڕا، پێنج جامی خولی ئینگلتەڕا و دوو قەڵغانی ئینگلتەڕای لەگەڵ یانەکە بەدەستهێناوە.
