ریال مەدرید دەیەوێت بەرگریکارێکی مانچێستەر یونایتد بگوازێتەوە ریزەکانی
یاریگا –
ریال مەدرید بەنیازە ئەگەر نەتوانێت ئالێکساندەر ئارنۆڵد بگوازێتەوە، هەوڵی گواستنەوەی دیۆگۆ دالۆت بدات.
تۆڕی وەرزشی ریلیڤۆی ئیسپانی ئاشکرایکردووە، ریال مەدرید دەیەوێت دیۆگۆ دالۆت بەرگریکاری پۆرتوگاڵی یانەی مانچێستەر یونایتدی ئینگلیزی بگوازێتەوە ریزەکانی، کە یانە ئینگلیزییەکە لە بەرامبەر دەستبەرداربوونی لە بەرگریکارە 25 ساڵانەکە داوای 50 ملیۆن یۆرۆ دەکات.
💵 El Madrid pregunta por Diogo Dalot como opción por la derecha y ya sabe su precio: 50 millones de euros.
El club sigue muy de cerca al lateral portugués, aunque sabe que será caro y que para Amorim es una pieza clave.
✍️ @sergiofernan5ez https://t.co/FHvMIGZuSs
— Relevo (@relevo) December 2, 2024
ریلیڤۆ راشیگەیاندووە، ریال مەدرید بیر لەوە دەکاتەوە ئەگەر لە گواستنەوەی ئالێکساندەر ئارنۆڵد بەرگریکاری لیڤەرپوول سەرکەوتوو نەبوو، هەوڵی گواستنەوەی بەرگریکارەکەی مان یونایتد بدات کە هاوینی 2028 گرێبەستەکەی لەگەڵ یانەکەی کۆتایی دێت.
دالۆت هاوینی 2018 بەرامبەر 22 ملیۆن یۆرۆ لە پۆرتۆی پۆرتوگاڵییەوە پەیوەندی بە مان یونایتد کرد و وەرزێکیش بە خواستن یاریی بۆ ئەیسی میلانی ئیتاڵی کردووە، کە ئێستا ئەو بەرگریکارە لە بۆرسەی یاریزانان نرخەکەی 40 ملیۆن یۆرۆیە.
دالۆت بە درێسی مان یونایتد 177 یاریی کردووە و 6 گۆڵ و 12 ئەسیستی هەیە، خاوەنی 27 یاریی نێودەوڵەتیشە بە درێیس هەڵبژاردەی پۆرتوگاڵ و 3 گۆڵ و 3 ئەسیستیشی کردووە.
