یاریگا –
قوه جەوییە لە خولی یانە پاڵەوانەکانی ئاسیا2 بە قورسی دۆڕا و سەعد عەبدولئەمیریش هۆکارەکەی باس دەکات.
لە گەڕی چوارەمی خولی یانە پاڵەوانەکانی ئاسیا2 قوە جەوییە لە دەرەوەی یاریگای خۆی تووشی شکستێکی گەورە هات و بە ئەنجامی 4 _ 0 بە خالدیەی بەحرێنێ دۆڕا.
سەعد عەبدولئەمیر ناوەراستکاری جەوییه هۆکاری شکستەکە باس دەکات و دوای یارییەکە گوتی:
پیرۆزبایی لە خالدیە دەکەم هیوای بەختێکی باشتر بۆ ئێمە و هاندەرانمان داوای لێبوردنیان لێدەکەین ئەنجامەکە قورس بوو ئاستیشمان خراپ بوو، جیاوازی لە نێوان ئێمە و خالدیە نیە بە پێچەوانەوە ئاستی یاریزانەکانی ئێمە زۆرباشە، بەڵام ئەمڕۆ خالدیە توانی کۆنتڕۆڵی تۆپ زیاتر بکات و دەرفەتەکان بکاتە گۆڵ و ئێمەش هەلەکانمان لە دەستدەدا و لە رۆژی خۆمان نەبووین، ئێستاش لە نێو کێبڕکێی سەرکەوتنی خولەکە ماوین و دوو یاریی داهاتوومان زۆر گرنگ و چارەنوسساز دەبێت بۆمان.
هەر لەگڕوپی دووەم تەعاونی سعودی بە ئەنجامی 4 _ 0 لە ئالتین ئەسیری تورکمانستانی بردەوە، تەعاون نۆ خاڵی هەیە لە ریزبەندی یەکەمە و خالدیە بە هەمان خاڵ لە ریزبەندی دووەمە و جەوییە بە شەش خال لە ریزبەندی سێیەم دێت.
لە گەڕی داهاتوودا قوە جەوییە لە تورکمانستان دەبێتە میوانی ئالتین ئەسیر و تەعاونی سعودیش لە یاریگای خۆی رووبەرووی خالدیە دەبێتەوە.
