ئامۆریم وەڵامی هاندەرە توڕەکانی سپۆرتینگ دەداتەوە و باسی پەیوەندیکردن بە یونایتدەوە دەکات
یاریگا- روبن ئامۆریم راهێنەرە لاوەکەی سپۆرتینگ لیشبۆنە سەرەنجام بڕیاریدا رووبکاتە مانچێستەر یونایتد لە گەرمەی وەرزدا، ئەمەش هاندەرانی یانەکەی توڕەکردووە.
ئامۆریم ناوبانگ و خۆشەویستییەکی زۆری هەبوو لە نێو هاندەرانی سپۆرتینگ، بەڵام مانچێستەر یونایتد هیچ دەرفەتێکیان پێنەدا و ئەوەیان بە روونی پێ وت یان دەبێت ئێستا پەیوەندییان پێوە بکات یان ئەو دەرگایە بۆ هەمیشە دادەخرێت.
یونایتد هەواڵی گواستنەوەی ئامۆریم یان راگەیاند لە کاتێکدا ناوبراو هێشتا ئامادەکاری دەکرد بۆ یارییەکەی سپۆرتینگ لیشبۆنە دەکرد بەرامبەر ئیسترێلا ئامادۆرا.
«Obrigado» e «Judas», muitos aplausos, mas também alguns apupos. É assim que os adeptos do Sporting presentes nas bancadas de Alvalade encaram a saída de Rúben Amorim para o Manchester United. 🦁
📷 Miguel Nunes#sportingcp #amorim #rubenamorim #manutd pic.twitter.com/giCpdSps9J
— A BOLA (@abolapt) November 1, 2024
سەرەنجام لەو یاریەدا هاندەرانی دروشمی وەک “ناپاک” یان بەروویدا بەرزکردەوە و هاهوویان لێکرد.
ئامۆریم لەوبارەیەوە وتی
ئەم وەرزە زۆر باش دەستمان پێکرد لەگەڵ سپۆرتینگ بەڵام مانچێستەر یونایتد هاتنە پێش. ئەوان ئامادەبوون زیاتر لەو پارەیە بدەن کە لە سزای هەڵوەشاندنەوەی گرێبەستەکەمدا هەبوو و سەرۆکی یانەکەش ئەرکی بڕیاردانە بەپێی بەرژەوەندی خۆیان. من هەرگیز قسەم لەگەڵ سەرۆک نەکرد بەڵام سێ رۆژ لەسەریەک پێم دەوتن دەمەوێت تا کۆتایی وەرز بمێنمەوە، ئەوانیش وتیان ئەوە مەحاڵە یان ئێستا یان هەرگیز. تەنها سێ رۆژم لەبەرەم دابوو تاوەکو بڕیار لەسەر شتێک بدەم تەواوی ژیانمی پێوە بەند بوو.
ئامۆریم کۆتا یاریشی بە ئەنجامی 5-1 بردەوە و لە 10 یاری ئەم وەرزەی خولی پۆرتوگالی سەرجەمیانی بردبووەوە.
