یاریگا –
جیرارد پیکێ، ئەستێرەی پێشووی بارسێلۆنا، لێدوانێکی سه‌ره‌نجراكێشیدا، دوای ئەو سەرکەوتنە گەورەیەی بلاوگرانا بەسەر ریال مەدرید تۆماریكرد.
له یاریی لووتكه‌ی گه‌ڕی 11ی خولی یانه‌كانی ئیسپانیا یانه‌ی ریال مه‌درید له یاریگای سانتاگۆ بێرنابیۆ میوانداری بارسێلۆنای كرد، تیپه كاتالۆنیه‌كه (4-0) یارییه‌كه‌ی برده‌وه.
دوای یارییەکە پیکێ له پلاتفۆرمی “X” قسه‌ی له‌سه‌ر ئه‌نجامی یارییه‌كه كردوو نووسیویه‌تی، ئێمە ناوازەین، ئەوان هەرگیز وەک ئێمە نابن، لەگەڵ هەموو لاوه‌كانی لاماسیا، چ فێستیڤاڵ، چ شانازییەک بوو.
Som únics. Mai podran ser com nosaltres. Amb tots els joves de la Masia. Quin recital. Quin orgull. ❤️
— Gerard Piqué (@3gerardpique) October 26, 2024
پیکێ ئاماژە بەوە دەکات کە ریال مەدرید وەک بارسێڵۆنا نابێت، چونکە یانەکە لەم دواییانەدا زۆر پشتی بە بەهرەمەندە لاوه‌كانی ئەکادیمیاكه‌ی بەستووە ، کە لەم وەرزەدا بە شێوەیەکی جیاواز دەرکەوتوون، سەرەڕای ئەوەی مێرێنگێ گرێبەستی لەگەڵ کیلیان ئێمباپی کردووە و یانه‌كه‌ش كۆمه‌لێك ئه‌ستێره‌ی به ئه‌زموون له ریزه‌كانی یاریی ده‌كه‌ن.
پیکێ لە مانگی نۆڤێەمبەری 2022 وازی لە یاریکردن راگه‌یاند و كه زۆربه‌ی كاروانی وه‌رزشی له یانه‌ی بارسێلۆنا بەسەربرد.
پیکێ لەگەڵ بارسێڵۆنا، هەشت نازناوی خولی ئیسپانی و سێ نازناوی خولی یانه پاڵه‌وانه‌كانی ئه‌وروپا و حەوت جار جامی شای بەدەستهێناوە.
