یاریگا –
خۆزێ مۆرینیۆ ئامادە نییە بچێتە ناو خانوو، لە هۆتێلێک دەمێنێتەوە کە نرخی مانەوەی شەوێکی 1000 پاوەندە.
رۆژنامەی دەیلی مەیلی بەریتانی ئاشکرایکردووە، خۆزێ مۆرینیۆ راهێنەری پۆرتوگاڵی یانەی فێنارباهچێی تورکی لە ئیستەنبۆڵ لە هۆتێلی فۆر سیزنز دەمێنێتەوە کە نرخی مانەوەی تەنیا شەوێکی لەو هۆتێلە شاهانەیە هەزار پاوەندە، لە بەناوبانگترین و خۆشترین شوێنی شارەکەیە.
بەگوێرەی زانیارییەکانی رۆژنامە بەریتانییەکە، فێنارباهچێ دەیەوێت خانووێک یان ڤێلایەک بۆ راهێنەرە پۆرتوگاڵییەکە بەکرێ بگرێت، بەڵام مۆرینیۆ لە هۆتێلەکەی زۆر ئاسوودەیە و رەتیکردووەتەوە شوێنەکەی خۆی بگۆڕێت، بەگوێرەی قسەی کارمەندانی هۆتێلەکە مۆرینیۆ هەموو ئێوارەیەک هەمان خواردن دەخوات کە بریتییە لە پیتزای مارگرێتا و گۆشتی مریشک و ئایس کرێم.
ئەم هاوینە سپێشەل وەن بووە راهێنەری یانە تورکییەکە و ساڵانە 10 ملیۆن پاوەند مووچە وەردەگرێت، کە پێشتر راهێنەرایەتی یانەکانی مانچێستەر یونایتد و چێڵسی ئینگلیزی، ریال مەدریدی ئیسپانی، ئینتەر میلان و رۆمای ئیتاڵی کردووە.
مۆرینیۆ لەم وەرزە لەگەڵ فێنارباهچێ لە 14 یاری 8 بردنەوە و 6 یەکسان و 2 دۆڕانی بەدەستهێناوە، فێنارباهچێ 17 خاڵی لە 8 یاری کۆکردووەتەوە و لە پلەی چوارەمی خولی نایابی تورکیا دێت.
