یاریگا –
ئەمڕۆ لیڤەرپوولی ئارنە سڵۆت لە یارییەكی دیكەی پرێمەرلیگدا رووبەرووی وۆڵڤز دەبێتەوە.
وا بڕیارە ئەمڕۆ شەممە كاتژمێر 19:30 بە كاتی كوردستان وۆڵڤز لە یاریگای تایبەت بە خۆی میوانداری لیڤەرپوول بكات، لە میانی یارییەكانی هەفتەی شەشەمی پرێمەرلیگ.
پڕۆفایلی یاری
لیڤەرپوول ئامانجی ئەوەیە فشارەكان لەسەر مانچێستەر سیتی پێشەنگ زیاتر بكات و دەیەوێت سێ خاڵی دیكە لە وۆڵڤز وەربگرێت.
وۆلڤز بە راهێنەرایەتیكردنی گاری ئۆنیڵ دەستپێكێكی خراپیان لە وەرزی نوێ نووسیەوە و لە كۆی پێنج یاری لە چوار یاری تووشی شكست بوون و لە یارییەكیش یەكسان بوون، بەرامبەر یانەكانی ئارسیناڵ، چێڵسی، نیوكاسڵ و ئاستۆن ڤیلا دۆڕاون بەرامبەر نۆتینگهامیش یەكساب بوون.
لە كۆی 15 خاڵ تەنیا یەك خاڵیان وەرگرتووە و لە ریزبەندی 19 پرێمەرلیگ دێن.
لە بەرامبەردا رێدز لە كۆی پێنج یاری لە چوار یاری بەرامبەر یانەكانی ئیپسویچ تاون، برێنتفۆرد، مانچێستەر یونایتد، بۆرنمس براوە بوون و بەرامبەر نۆتینگهام یەكسان بوون.
بە كۆكردنەوەی 12 خاڵ لە ریزبەندی دووەمی پرێمەرلیگ دێن و بە جیاوازی یەك خاڵ لە دوای مانچێستەر سیتی پێشەنگەوەن.
هەواڵی پێكانی یاریزانەكان
وۆڵڤز بە بێ چەندین یاریزانی یاری دەكات و هەریەك لە مۆسكێرا، تۆتی گۆمێز، ئێنسۆ گۆنزالێز، مێوبیۆ، تراوری و ساسا كالادزیچ رووبەرووی لیڤەرپوول دەبێتەوە.
لە بەرامبەردا سڵۆت گەڕانەوەی ئەلیسنی بۆ پێكهاتەی تیمەكەی راگەیاند و هارڤی ئیلیەت ناتوانێت بەشداری یارییەكە بكات.
پێکهاتەی پێشبینیکراوی وۆڵڤز
جۆنستن
سێمیدۆ، بوینۆ، داوسن، ئایت نوری
بێلیگارد، ئاندرێ، گۆمێز، كونها
لێمینا ، لارسن
پێکهاتەی پێشبینیكراوی لیڤەرپوول
ئالیسن
ئارنۆڵد، كۆناتێ، ڤان دایك، رۆبێرتسن
گراڤنبێرخ، ماك ئایستەر
سەڵاح، سۆبۆسلای، دیاز
نونیز
