یاریگا –
پاولۆ دیبالا، ئەستێرەی ئەرجەنتینی یانەی رۆمای ئیتاڵی هۆكاری رەتكردنەوەی ئۆفەری قادسیەی سعودی ئاشكرا دەكات.
دیبالا لە دوای كۆتاییهاتنی گرێبەستەكەی لە هاوینی ساڵی 2022 لە ریزەكانی یوڤێنتوسەوە پەیوەندی بە رۆماوە كرد و گرێبەستەكەی لەگەڵ گورگەكان لە هاوینی ساڵی 2025 بەسەردەچێت.
قادسیەی سعودی ئۆفەرێكیان بە بەهای 75 ملیۆن یۆرۆ و بۆ ماوەی سێ ساڵ پێشكەشی دیبالا كرد، بەڵام ئەستێرەكەی تانگۆ مانەوەی لە ریزەكانی یانەكەی دووپاتكردەوە.
🟡🔴 Dybala on rejecting €75m salary in three years from Al Qadsiah: “I have considered my family, my wife, the city, the team, the national team… people talk about money but I considered many factors”.
“I’m 30, I’ve considered all factors and I’m very happy to stay”. pic.twitter.com/eVDuo9TZuL
— Fabrizio Romano (@FabrizioRomano) August 25, 2024
لە لێدوانێكیدا كە فابریزیۆ رۆمانۆ لە هەژماری تایبەتی خۆی بڵاویكردووەتەوە، دیبالا گوتی:
خێزانەكەم، هاوسەرەكەم، شارەكەم، تیمەكەم و هەڵبژاردەی نیشتیمانیم لەبەرچاوگرتووە، خەڵك باسی پارە دەكەن، بەڵام من زۆر هۆكاری دیكەم لەبەرچاوگرتووە.
تەمەنم 30 ساڵە و بە لەبەرچاوگرتنی زۆر هۆكاری دیكە زۆر دڵخۆشم بە مانەوەم.
دیبالا لەگەڵ رۆما 79 یاری كردووە و توانیویەتی 34 گۆڵ بكات و 18 گۆڵیش درووست بكات.
