کێبڕکێی نێوان پاریس و چێڵسی لەپێناو گواستنەوەی ئۆسیمین لەکۆتایی نزیکدەبێتەوە

یاریگا –

بەدرێژایی مێرکاتۆی هاوینە چێڵسی و پاریس سانجێرمان لەپێناو بەدەستهێنانی ڤیکتۆر ئۆسیمین لە کێبڕکێدان و جەنگەکە لە کۆتایی نزیکدەبێتەوە.

رۆژنامەنووسی تۆڕی سکای ئەڵمانیا فلۆریان پلێتنبێرگ بڵاویکردووەتەوە، ئێستا بەدوور دەزانرێت پاریس سانجێرمان ئۆفەرێکی گەورە بۆ گواستنەوەی ڤیکتۆر ئۆسیمین پێشکەش بە ناپۆلی بکات.

سەرەڕای پێکانە سەختەکەی گۆنچالۆ رامۆسی پۆرتوگالی کە نزیکەی 3 مانگ لە یاریکردن دادەبڕێت، پاریس لە گواستنەوەی هێرشبەرە نایجیرییەکە دووردەکەوێتەوە.

🚨🔵🔴 Understand that it is unlikely at the moment that Paris Saint-Germain will make an XXL for Victor #Osimhen until Deadline Day.

… despite the injury to Gonçalo Ramos. So there must be another, more affordable solution. And Luis Enrique is also focused on playing time for… pic.twitter.com/X18eJwxjmw

— Florian Plettenberg (@Plettigoal) August 21, 2024

بەگوێرەی زانیارییەکانی سکای ئەڵمانیا، لویس ئێنریکێی راهێنەری یانەکە دەیەوێت پشت بە یاریزانە لاو و بەهەردەرەکانی ببەستێت.

سەرەڕای ئەوەی ئۆسیمین خواستێکی زۆری بۆ پەیوەندیکردن بە پاریس هەیە، بەڵام چێڵسی لەسەر خواستی ئینزۆ مارێسکا هێشتا لە هەوڵەکانی بۆ گواستنەوەی یاریزانەکە بەردەوامە.

ناپۆلی بە فەرمی ئاشکرایکردووە لەم هاوینە ڤیکتۆر یانەکە جێدەهێڵێت، بەڵام تا ئێستا یەکلایی نەبووەتەوە پەیوەندی بە کام یانە دەکات.