کریستال پاڵاس بە ئاسانی دەستبەرداری مارک گێی نابێت
گێی بە یەکێک لە باشترین بەرگریکاری ئەوروپا دادەندرێت
یاریگا –
نیوکاسڵ یونایتد دووەم ئۆفەری بۆ گواستنەوەی مارک گێی، بەرگریکاری کریستال پاڵاس پێشکەشکرد و دەستبەجێ رەتکرایەوە.
تۆڕی هەواڵی سکای سپۆرتس بڵاویکردووەتەوە، ئۆفەرەکەی نیوکاسڵ یونایتد بریتییە لە 50 ملیۆن پاوەند، بەڵام سەرەڕای رەتکردنەوەی ئۆفەرەکە، گفتوگۆکانی نێوان هەردوو یانەکە نەپچڕاون.
BREAKING: Newcastle have made contact with Crystal Palace over a potential deal for England defender Marc Guehi. 🚨 pic.twitter.com/QUSjZCwElq
— Sky Sports Premier League (@SkySportsPL) August 2, 2024
هێشتا 18 مانگ بۆ بەسەرچوونی گرێبەستی گێی لە سێلهێرست پارک ماون، بۆیە کریستال پاڵاس پەلە لە فرۆشتنی ناکات و یانەکەی باشووری لەندەن داوای بڕی 65 ملیۆن پاوەند دەکات.
ئێدی هاو، راهێنەری نیوکاسڵ یاریزانێکی دڵی بەرگری کردووەتە ئامانجی سەرەکی خۆی و گێی بە باشترین بژاردە دادەنێت.
هەرچەندە نیوکاسڵ کێشەی لەگەڵ رێساکانی یاریی خاوێن هەیە، بۆیە خەرجکردنی پارەی زۆر، کێشەی بۆ دروستدەکات.
