لیڤەرپوول بازاڕی گواستنەوەی هاوینە بە گواستنەوەی ئەستێرەیەکی ئیسپانی دەستپێدەکات

یاریگا –

لیڤەرپوول خەریکە بازاڕی گواستنەوەی یاریزانان دەستپێدەکات و سەرنجی لەسەر یاریزانێکی ئیسپانی داناوە.

فابریزیۆ رۆمانۆ، رۆژنامەنووسی دیاری بازاڕی گواستنەوەی یاریزانان لە پۆستێکیدا لە پلاتفۆڕمی ئێکس روونیکردووەتەوە، لیڤەرپوول چاوی لەسەر مارتن زوبیمێندی، یاریزانی ریال سۆسیداد داناوە.

🚨🔴 Liverpool are exploring move for Martin Zubimendi as new midfielder, as there’s €60m release clause into his contract.

Talks will follow between clubs and on player side. pic.twitter.com/4poac9d5rC

— Fabrizio Romano (@FabrizioRomano) August 7, 2024

مەرجی هەڵوەشاندنەوەی گرێبەستی زوبیمێندی لە سۆسیداد بریتییە لە 60 ملیۆن یۆرۆ و هەرکاتێک لیڤەرپوول ئامادەیی خەرجکردنی ئەو بڕە پارەی هەبێت، ئەوا سۆسیداد ئامادەیە گفتوگۆکان لەگەڵ لیڤەرپوول دەستپێبکات.

پێشتر زوبیمێندی لەلایەن مانچێستەر یونایتدەوە داواکرابوو، بەڵام بەهۆی بەرزی نرخەکەیەوە، تیمەکەی ئێریک تێن هاخ لە گفتوگۆکان کشانەوە.

🔺NEW: Martín Zubimendi, the Real Sociedad midfielder who has a release clause of £51million, has emerged as a target for Liverpool

Full story from @_pauljoyce ⬇️https://t.co/rqWYn53Ljf

— Times Sport (@TimesSport) August 7, 2024

رۆژنامەی تایمزی بەریتانی لەبارەی گرنگییەکانی لیڤەرپوول بە زوبیمێندی روونیکردووەتەوە، ئارنە سڵۆت، راهێنەری رێدز بە زوبیمێندی سەرسامە. یانەکە ئامادەیە بڕی 51 ملیۆن پاوەند لەپێناو گواستنەوەی خەرج بکات.