یاریگا –
یانەی لیڤەرپوول بەشێوەیەکی فەرمی ئاندۆنی ئیراولای وەک راهێنەری نوێی یانەکە ناساند.
دوای دوورخستنەوەی ئارنە سڵۆت لە چەند رۆژی رابردوودا، کارگێڕی یانەکە هەرزوو کەوتنە گفتوگۆ لەگەڵ ئیراولای راهێنەری پێشووی بۆرنمۆس.
بە گوێرەی راگەیەندراوەکەی رێدز، راهێنەرە ئیسپانیەکە بۆ وەرزی 2026-2027 لەگەڵ یانەکەیاندا دەبێت.
We can confirm Andoni Iraola has agreed a deal to become the club’s new head coach ahead of the 2026-27 season 🤝
— Liverpool FC (@LFC) June 4, 2026
لە یەکەم لێدوانیدا، ئاندۆنی وتی
پێموایە راهێنەرایەتیکردنی لیڤەرپوول دەرفەتی ئەوەم دەداتێ راهێنەرایەتی یاریزانە ئاستبەرزەکان بکەم، یاریزانە ئاست بەرزەکانیش دەرفەتی ئەوەت دەدەنێ بۆ نازناوەکان بجەنگیت.
بۆ بردنەوەی نازناوەکانیش، بەراستی کاتێک لە شوێنێک دەستبەکار دەبیت ناتوانیت بەڵێنی هەمووشتێک بدەیت. بەڵام راستیشە کە تێدەگەم من لە کوێوە هاتووم و چیم لێ چاوەڕواندەکرێت. من ئامادەم بۆ ئەم ئاڵنگارییە.
Andoni Iraola has felt the ‘crazy’ power of Anfield as an opponent – and cannot wait to have it backing him as our head coach 💪
— Liverpool FC (@LFC) June 4, 2026
ئیراولا هاوینی 2023 رایۆ ڤاییکانۆی جێهێشت و پەیوەندی بە بۆرنمۆس کرد. توانی جێپەنجەی خۆی بەو یانە ئینگلیزیەوە جێبهێڵێت و بۆ یەکەمین جار لەوەتەی درووستبوونیانەوە یانەکە بگەیەنێتە پاڵەوانێتیەکی ئەوروپا کاتێک وەرزی رابردوو پلەی شەشەمی لە پرێمەرلیگ بەدەستهێنا و بلیتی یۆرۆپالیگی بۆ بردنەوە.
