نیکلاس فۆلکروگ پەیوەندی بە یانەیەکی پرێمەرلیگ دەکات
یاریگا –
یانەی وێستهام یونایتد لە گواستنەوەی نیکلاس فۆلکروگی ئەڵمانی نزیک دەبێتەوە.
تۆڕی سکای سپۆرت بڵاویکردووەتەوە، وێستهام نزیکە لە گواستنەوەی نیکلاس فۆلکروگی هێرشبەری یانەی بۆڕووسیا دۆرتموندی ئەڵمانی و گفتوگۆکان ئەرێنین.
بەگوێرەی زانیارییەکانی سکای، هێشتا گرێبەستەکە یەکلایی نەبووەتەوە، بەڵام ئێستا وێستهام و یاریزانەکە کار لەسەر مەرجە کەسییەکان دەکەن، گەشبینییەکی زۆر هایە هامەرز گۆڵکارە ئەڵمانییەکە بگوازێتەوە ریزەکانی.
West Ham United are advancing on a deal for Borussia Dortmund forward Niclas Fullkrug 🚨
Still some work to do on the structure of the fee and elements of the personal terms. pic.twitter.com/kiLsPT6kod
— Sky Sports News (@SkySportsNews) July 31, 2024
دوای پەیوەندیکردنی ئۆلیڤیە جیرو بە خولی ئەمریکی، فۆلکروگ ئامانجێکی سەرەکی ئەیسی میلان بوو، بەڵام دوای گواستنەوەی ئالڤارۆ مۆراتای ئیسپانی، هەوڵەکانی یانە ئیتالییەکە بۆ گواستنەوەی نیکلاس دامرکانەوە.
هێرشبەرە تەمەن 31 ساڵانییەکە یاریی بۆ یانەکانی فێردێر برێمن، گروتەر فۆرت، نۆرنبێرگ، هانۆڤەر و بۆڕووسیا دۆرتموند کردووە.
بەدرێسی سەرجەم یانەکان بەشداری 417 یاریی کردووە، 159 گۆڵی کردووە و 55 گۆڵیشی دروستکردووە. بە درێسی هەڵبژاردەی ئەڵمانیاش لە 21 یاریی 13 گۆڵی کردووە و گۆڵێکی دروستکردووە.
