یاریگا –
بەهۆی سکاڵایەکی ریال مەدرید کە فلۆرێنتینۆ پێرێز لەسەری تۆمارکردووە، لەوانەیە خاڤیێر تیباس سڕ بکرێت و لە پۆستەکەی دووربخرێتەوە.
رۆژنامەی ئاسی ئیسپانی ئاشکرایکردووە، دوای ئەوەی پێدرۆ رۆچا لە پۆستی سەرۆکی فیدراسیۆنی تۆپی پێی ئیسپانیا دوورخرایەوە، دادگای کارگێڕی وەرزشی (TAD) دەستی بە لێکۆڵینەوە لەو سکاڵایە کردووە کە فلۆرێنتینۆ پێرێز سەرۆکی یانەی ریال مەدرید لەسەر خاڤیێر تیباس سەرۆکی کۆمەڵەی لالیگا تۆمارکردووە.
🚨 ¡𝗘𝘅𝗽𝗲𝗱𝗶𝗲𝗻𝘁𝗲 𝗮𝗯𝗶𝗲𝗿𝘁𝗼 𝗮 𝗝𝗮𝘃𝗶𝗲𝗿 𝗧𝗲𝗯𝗮𝘀!
❌ Podría acabar con su suspensión tras una denuncia del Real Madrid
🔗 https://t.co/mpAgTbSkSh pic.twitter.com/Uk6UQ9Jq91
— Diario AS (@diarioas) July 23, 2024
بەگوێرەی ئەو سکاڵایەی ریال مەدرید تۆماریکردووە، سه‌رۆكی كۆمه‌ڵه‌ی لالیگا بە دژایه‌تیکردن و جیاکاریکردن لە نێوان ریال مەدرید و یانەکانی دیکە تۆمەتبار دەکات، یانە مەدریدییەکە لە سکاڵایەکەی باسی ئەوەشی کردووە کە تیباس یانه‌كه‌یانی بە هۆكاری تێكدانی رێكه‌وتن لەگەڵ کۆمپانیای CVC تۆمەتبار کردبوو، بەڵام یانە مەدریدییەکە ئەو تۆمەتانەش رەتدەکاتەوە.
رۆژنامه‌ی ئاس ئاماژه‌ی به‌وه‌كردووه، کردنەوەی ئه‌م دۆسیه‌یه یەکەم هەنگاوە بۆ دەرکردنی تێباس لە سەرۆکایەتی كۆمه‌ڵه‌ی لالیگا، ئه‌مه‌ش بەپێی مادەی 2 بڕگه‌ی 76 لە یاسای ئیسپانیا، ئەگەر سکاڵایەکەی لەسەر ساخ بێتەوە ئەوا تیباس بە یەکێک لەم سزایانە حوکم دەدرێت: سەرزەنشتکردنی گشتی، بێبەشکردنی کاتی بۆ ماوەی دوو مانگ تا ساڵێک، و دەرکردن لە پۆستەکەی.
