یاریگا –
جولس کۆندێ، ئۆرێلیەن چوامینی و ئیبراهیما کۆناتێ دڵخۆشی خۆیان بە شکستهێنانی رەوتی راستڕەوی توندڕەو لە هەڵبژاردەکانی پەرلەماندا پیشاندا.
بۆ هەڵبژاردنی پەرلەمانێکی نوێ، فەرەنسییەکان دوێنێ یەکشەممە روویان لە سندووقەکانی دەنگدان کرد، بەر لە هەڵبژاردنەکان پێشبینی دەکرا پارتی نیشتمانی بە سەرکردایەتی مارین لۆ پێن و جۆردان باردێلا، سەرکەوتنێکی گەورە بەدەستبهێنن، بەڵام ئەنجامەکان تەواو پێچەوانە بوون و هاوپەیمانی چەپڕەوەکان سەرکەوتن. بزووتنەوەی سەوزی نوێ پلەی یەکەمی بەدەستهێنا و پارتەکەی ئیمانوێل ماکرۆنیش لە پلەی دووەمدایە.
زۆربەی یاریزانانی فەرەنسا بەر لە رۆژی هەڵبژاردن، بەردەوام هانی فەرەنسییەکانیان دەدا، دەنگ بە راستڕەوەکان نەدەن، چونکە سیاسەتەکانیان دژە کۆچبەرییە.
لە دوای ئاشکراکردنی ئەنجامەکان، کۆندێ لە تویتەر نووسیویەتی
دڵخۆشی ئێستام هاوتەریبە لەگەڵ دڵەڕاوکێ چەند هەفتەی پێشوو. پیرۆزبایی لە فەرەنسییەکان دەکەم، کە بوونە یەک پارچە تاوەکو نەهێڵن، توندڕەوەکان ئەم وڵاتە جوانە بەڕێوەببەن.
Le soulagement est à la hauteur de l’inquiétude de ces dernières semaines, il est immense.
Félicitations à tous les Français qui se sont mobilisés pour que ce beau pays qu’est la France ne se retrouve pas gouverné par l’extrême droite. 🙏🏾🇫🇷— Jules Kounde (@jkeey4) July 7, 2024
کۆناتێ، بەرگریکاری لیڤەرپوول لە تویتێکدا تەنیا پێنج ئیمۆجی لە پلاتفۆرمی ئێکس پۆست کرد؛ دوو ئاڵای فەرەنسا، دوو بەربەستی رێگا و چەپڵە لێدانێک.
🇫🇷🚧🇫🇷🚧👏🏾
— Ibrahima Konate (@IbrahimaKonate_) July 7, 2024
چوامینی، یاریزانی ریال مەدرید دڵخۆشی خۆی پیشاندا و نووسیویەتی؛ سەرکەوتنی خەڵک.
La victoire du Peuple 🙏🏾🇫🇷
— Tchouameni Aurélien (@atchouameni) July 7, 2024
بە درێژایی یارییەکانی یۆرۆ، زۆربەی یاریزانانی فەرەنسا بانگەشەیان لە دژی راستڕەوە توندڕەوەکان دەکرد، تەنانەت کیلیان ئێمباپێ رایگەیاندبوو، ئەگەر راستڕەوەکان سەربکەون، نوێنەرایەتی هەڵبژاردەی فەرەنسا ناکات.
