کێڤن دی بروین و ئیتیحاد رێککەوتن
کۆچی ئەستێرەکانی ئەروروپا بەرەو خولی رۆشەن بەردەوامە
یاریگا –
کێڤن دی بروینی ئەستێرەی مانچێستەر سیتی لەگەڵ یانەی ئیتیحادی سعودی رێککەوت.
رۆژنامەنووسی تۆڕی سکای سپۆرت رودی گالێتی بڵاویکردووەتەوە، دی بروین لەگەڵ ئیتیحاد رێککەوتنی زارەکی کردووە و و رەزامەندی دەربڕیوە پەیوەندی بە یانە سعودییەکە بکات.
بەگوێرەی زانیارییەکانی گالێتی، هەموو شتێک لەنێوان ئیتیحاد و ئەستێرە بەلجیکییەکە یەکلایی بووەتەوە، ئێستا چاوەڕوانی مانچێستەر سیتین تا روناکی سەوز بۆ رۆیشتنی یاریزانەکە هەڵبکات.
🚨🤝 Verbal understanding reached between #AlIttihad and #DeBruyne. 🟡⚫
🗣️ A delegation of the PIF and some representatives of the 🇸🇦 club spoke to the 🇧🇪 player, who gave his approval to the transfer.
💰 Now it's up to clubs: #ManCity are open to letting him go. 🐓⚽ https://t.co/tyJwtq56ad pic.twitter.com/4krvU6Rg5s
— Rudy Galetti (@RudyGaletti) July 4, 2024
بە ئەگەرێکی زۆر بلوو موون رێگری لە رۆیشتنی یاریزانەکە بەرەو خولی رۆشن ناکات و لەم هاوینە کێڤن لەگەڵ کەریم بێنزێما و ئێنگۆلۆ کانتێی فەرەنسی یەکدەگرن.
دێ بروین لە هاوینی 2015 لە فۆڵفسبورگەوە بە بڕی 76 ملیۆن پاوەند پەیوەندی بە سیتیزن کرد، لە سەرجەم پاڵەوانێتییەکان بەشداری 382 یاری کردووە، 102 گۆڵی کردووە و 170 گۆڵیشی دروستکردووە.
نازناوێکی چامپیۆنزلیگ، شەش نازناوی پرێمەرلیگ، نازناوێکی جامی سوپەری ئەوروپا، نازناوێکی جامی جیهانی یانەکان، پێنج نازناوی جامی خولی ئینگلتەرا، دوو نازناوی جامی یەکێتی ئینگلتەرا و دوو نازناوی جامی قەڵغانی لەگەڵ یانەکە بەدەستهێناوە.
