بەفەرمی یان ماتسن پەیوەندی بە ئاستۆن ڤیلا کرد
یاریگا –
بەشێوەیەکی فەرمی یان ماتسنی هۆڵەندی پەیوەندی بە یانەی ئاستۆن ڤێلای ئینگلیزی کرد.
ماڵپەڕی فەرمی ئاستۆن ڤێلا بڵاویکردووەتەوە، بەفەرمی گرێبەستیان لەگەڵ یان ماتسنی بەرگریکاری پێشووی یانەی چێڵسی واژۆ کردووە.
Aston Villa is delighted to announce the signing of Ian Maatsen from Chelsea. ✅
— Aston Villa (@AVFCOfficial) June 28, 2024
گرێبەستەکەی ماتسن لەگەڵ ئاستۆن ڤێلا بۆ 6 وەرز دەبێت و تا هاوینی ساڵی 2029 درێسی یانە ئینگلیزییەکە دەپۆشێت، لەبەرامبەر گواستنەوەی یاریزانەکەش ڤێلا بڕی 37.5 ملیۆن پاوەند بە چێڵسی دەدات.
ماتسن لە زستانی رابردوو بەشێوەی خواستن لە چێڵسییەوە پەیوەندی بە بۆڕووسیا دۆرتموند کرد، لەگەڵ زەردەواڵەکان ئاستێکی بەرزی پێشکەشکرد و سەرنجی زۆرێک لە یانەکانی بەلای خۆیدا راکێشا.
لە سەرجەم پاڵەوانێتییەکان بە درێسی دۆرتموند بەشداری 38 یاری کرد، بەشێوەیەکی گشتی 2,277′ خولەک یاریکرد، 3 گۆڵی کرد و گۆڵێکیشی دروستکرد.
