یاریگا –
دانیێلی دی رۆسی، راهێنەری ئیتاڵی یانەی رۆمای هەمان وڵات گرێبەستەكەی لەگەڵ یانەكەی بۆ ماوەیەكی درێژ نوێ كردەوە.
هەژماری فەرمی رۆما لە پلاتفۆرمی ئێكس نوێكردنەوەی گرێبەستی دی رۆسی بۆ ماوەی سێ ساڵی دیكە و تا ساڵی 2027 راگەیاند.
🟡 DDR 🤝 2027 🔴#ASRoma pic.twitter.com/ZuTmh8nF8e
— AS Roma (@OfficialASRoma) June 27, 2024
دی رۆسی لە ناوەڕاستی كانوونی دووەمی ئەمساڵدا لە جێگای جۆزێ مۆرینیۆ پۆستی راهێنەرایەتیكردنی گورگەكانی رۆمای وەرگرت.
لە وەرزی رابردوودا لە 26 یارییدا راهێنەرایەتی رۆمای كرد و توانی 14 بردنەوە بە یانەكەی ببەخشێت و لە شەش یاریشدا تووشی دۆڕان بوون و لە هەمان ژمارەی یاریشدا یەكسان بوون.
دی رۆسی وەك یاریزان هەژدە وەرز بە درێسی رۆماوە یاری كردووە و توانیویەتی دوو نازناو لەگەڵ ئەو یانەیە بباتەوە.
