کۆتا هەنگاو؛ رۆما گرێبەستێکی گەورە یەکلایی دەکاتەوە
یاریگا –
رۆما گرێبەستی سانتیاگۆ کاسترۆ، هێرشبەری ئەرجەنتینی یەکلایی دەکاتەوە.
نیکۆلۆ شیرا، رۆژنامەنووسی باوەڕپێکراو بڵاویکردووەتەوە، رۆما یەک هەنگاو لە گواستنەوەی سانتیاگۆ کاسترۆ، هێرشبەری بۆڵۆنیا دوورە و لە یەکلایی کردنەوەی گرێبەستی ئەو یاریزانە ئەرجەنتینییە نیزکبووەتەوە.
هەمان سەرچاوە ئاماژەی بەوەش کردووە، رۆما لە بەرامبەر گواستنەوەی سانتیاگۆی تەمەن 21 ساڵان، بڕی 30 ملیۆن یۆرۆ لەگەڵ 5 ملیۆنی دیکەش وەکوو پاداشتی زیادکراو بە یانەی بۆڵۆنیا دەدات.
Santiago #Castro is one step away to #ASRoma from #Bologna for €30M + 5M as bonuses and a little % on the future sale. Contract until 2031 (€2,2M/year). #transfers https://t.co/kSjySDXxty
— Nicolò Schira (@NicoSchira) July 26, 2026
هەر بەگوێرەی زانیارییەکانی نیکۆلۆ، گرێبەستەکەی سانتیاگۆ کاسترۆ لەگەڵ رۆما بۆ ماوەی پێنج وەرز و تاوەکوو هاوینی 2031 دەبێت.
سانتیاگۆ هاوینی 2024 ڤێلێزی ئەرجەنتینی جێهێشت و بە 13.20 ملیۆن یۆرۆ پەیوەندی بە بۆڵۆنیا کرد، بە درێسی یانە ئیتاڵییەکە لە سەرجەم پاڵەوانێتییەکان بەشداریی 105 یاریی کردووە، 22 گۆڵی کردووە و 13 گۆڵی دروستکردووە.
