خۆشەویستی یاریزانێک ئاشکرای دەکات؛ مێسی لە کاتی مۆندیال دیارییەکی بە سەرجەم یاریزانانی ئەرجەنتین بەخشیوە

یاریگا –

خۆشەویستەکەی مارکۆس سێنێسی ئەو کەسە بوو کە لە تۆڕە کۆمەڵایەتییەکاندا باسی لەوە کرد.

لیۆنێل مێسی بە بەئازارترین شێواز ماڵاوایی لە دوایین جامی جیهانیی خۆی کرد، بە دۆڕاندن لە یاریی کۆتایی بەرامبەر ئیسپانیا، کە دووەم ئەستێرەی بەخشیە ئەو هەڵبژاردەیە. سەرەڕای ئەوەش، تەواوی هاوتیمەکانی، راهێنەرەکەی و میدیاکان ویستیان تیشک بخەنە سەر ئەوەی لە تەمەنی 39 ساڵیدا لە تەواوی پاڵەوانییەتییەکەدا کردبووی.

بەبێ دوو ئاسیستەکەی ئەو بەرامبەر ئینگلتەرا، هەڵبژاردەی ئەرجەنتین تەنانەت نەدەگەیشتە ئەو یارییە کۆتایییەش. ئەوە تەنیا یەک نموونەیە، بەڵام لیۆ لە دەرەوەی یاریگاش کاپتن بوو و کاتێک کامێراکان لەسەری نەبوون، ویستی کارێکی تایبەت بۆ تەواوی هاوڕێیانی تیمەکەی بکات.

ئەمە لەلایەن کێلسی رۆز باوەرس، هاوبەشی ژیانی مارکۆس سێنێسی، لە تۆڕە کۆمەڵایەتییەکاندا ئاشکرا کرا، کاتێک لە ڤیدیۆیەکدا جانتایەک نیشان دەدات کە تەرمۆزێکی ماتێ و تەواوی ئامرازەکانی پێویست بۆ ئامادەکردنی تێدا بوو و دەڵێت:

سڵاو هاوڕێیان، پێویستە شتێکی زۆر تایبەتتان نیشان بدەم کە زۆرتان بەدڵ دەبێت. ئەمە دیارییەکی مێسییە بۆ تەواوی یاریزانەکان. مارکۆس پێی دام تاوەکوو بە سەلامەتی بیهێنمەوە بۆ مەیامی. دیارییەکی زۆر مەزنە، بۆچوونتان چییە؟

وەکوو ئەوەی ئەو دەیڵێت، گرنگییەکە لە بەهای دیارییەکەدا نییە، بەڵکوو لەو سەرنج و گرنگیپێدانەدایە کە لە پشتییەوەیەتی.

@_kelci.rose_♬ original sound – Kelci