یاریگا –
ئەمڕۆ هانسی فلیک بەفەرمی دەبێتە راهێنەری بارسێلۆنا و یانە کەتەلۆنییەکە گرێبەستی راهێنەرە نوێیەکەی رادەگەیەنێت.
فلۆریان پلێتینبێرگ، پەیامنێری کەناڵی سکاسی سپۆرتی ئەڵمانی ئاشکرایکردووە، ئەمڕۆ هانسی فلیک راهێنەری ئەڵمانی واژۆ لەسەر گرێبەستەکەی بارسێلۆنا دەکات و بۆ ماوەی دوو ساڵ ئەرکی راهێنەرایەتی یانە کەتەلۆنییەکە دەگرێتە ئەستۆ.
🇩🇪🇪🇸 Today is also Hansi Flick‘s day in Barcelona!
➡️ He will sign his contract until 2026 today in the club offices of @FCBarcelona
➡️ Announcement today. Press conference planned in the coming weeks.
📍His new assistant coaches, Toni Tapalovic and Marcus Sorg, are not in… pic.twitter.com/xJ1hwDJxhr
— Florian Plettenberg (@Plettigoal) May 29, 2024
پەیامنێرە ئەڵمانییەکە راشیگەیاندووە، ئەمڕۆ بارسێلۆنا بەفەرمی دەستبەکاربوونی فلیک وەکو راهێنەری نوێی یانەکە رادەگەیەنێت کە ئەو راهێنەرە ئەڵمانییە دوێنێ گەیشتە شاری بارسێلۆنا و چاوەڕێ دەکرێت لە چەند رۆژی داهاتوو بارسا لە کۆنگرەیەکی رۆژنامەوانیدا راهێنەرە ئەڵمانییەکە بە میدیاکان بناسێنێت.
یاریدەدەرەکانی فلیک هێشتا نەگەیشتوونەتە بارسێلۆنا و سبەی تۆنی تاپالۆڤیچ و مارکۆس سۆرگ واژۆ لەسەر گرێبەستەکانیان دەکەن و وەکو یاریدەدەری راهێنەر لە یانە کەتەلۆنییەکە دەستبەکار دەبن.
🎥La salida de Joan Laporta y Hansi Flick (en la furgoneta de detrás) tras 3 horas de cena en el Gran Meliá#fcblive pic.twitter.com/cSWRRhnRfa
— Víctor Navarro (@victor_nahe) May 28, 2024
ئەمڕۆ هانسی فلیک دوای واژۆکردنی گرێبەستەکەی لەگەڵ دیکۆ بەڕێوەبەری وەرزشی یانە نوێیەکەی گفتوگۆ لەبارەی گواستنەوەی یاریزانان و پلانی داهاتووی یانەکە دەکەن.
هانسی فلیک کێیە؟
هانسی فلیک (59 ساڵان) راهێنەرایەتی هەڵبژاردەی ئەڵمانیا و یانەی بایرن میونشنی کردووە، لەکۆی 111 یاری لە ماوەی راهێنەرایەتیکردنیدا 82 بردنەوە و 15 یەکسانبوون و 14 دۆڕانی بەدەستهێناوە، حەفت نازناوی لەگەڵ باڤارییەکان بەرزکردەوە کە نازناوێکیان چامپیۆنزلیگی 2019/2020 بوو.
فلیک 605 رۆژ راهێنەرایەتی بایرن میونشنی کرد و لە 86 یاری 70 گۆڵ و 8 یەکسان و 8 دۆڕانی تۆمارکردووە و کاتێک لە چامپیۆنزلیگ 8-2 لە بارسێلۆنایان بردەوە ئەو راهێنەری بلاوگرانا بوو.
راهێنەرە ئەڵمانییەکە بۆ ماوەی 770 رۆژ راهێنەرایەتی هەڵبژاردەی ئەڵمانیاشی کردووە، لە 25 یاری 12 بردنەوە و 7 یەکسان و 6 دۆڕانی تۆمارکردووە و ساڵی رابردوو لە راهێنەرایەتی مانشافت دوورخرایەوە.
