یاریگا –
ئارنە سڵۆت، راهێنەری هۆڵەندی یانەی لیڤەرپوولی ئینگلیزی ئیدارەی یانەكەی لە گۆڕینی ئامانجەكەی بۆ وەرزی نوێ ئاگادار كردووەتەوە.
لە ماوەی رابردوودا یۆرگن كڵۆپ بە شێوەیەكی فەرمی ماڵئاوایی لە لیڤەرپوول كرد و ئارنە سڵۆت جێگای گرتەوە.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
پێشتر و زۆربەی سەرچاوەكان ئاشكرایانكرد، یەکەم گواستنەوەی لیڤەرپوول لە بازاڕی هاوینە، تیون کۆمپینیریس یاریزانی ئاتڵانتای ئیتاڵی دەبێت.
بەپێی زانیارییەكانی تۆتۆ سپۆرت، ئەو پلانە گۆڕدراوە دوای ئەوەی سڵۆت سەرنجی خستە سەر تواناكانی ئێدرسنی بەڕازیلی و ناوەڕاستكاری ئاتڵانتا، كە رۆڵێكی گەورەی هەبوو لە بەدەستهێنانی نازناوی یۆرۆپالیگ لەگەڵ یانەكەی.
بۆ یەكەمجار لە مێژوویدا، ئاتڵانتا بوو بە پاڵەوانی یۆرۆپالیگ دوای بردنەوەیان لە یاری كۆتایی بەرامبەر بایەر لیڤەركوزن بە سێ گۆڵی بێ وەڵام.
Liverpool are ready to launch an ‘assault’ to sign Ederson from Atalanta this summer 🇧🇷
[Tutto Atalanta] pic.twitter.com/w2hKifs4HS
— The Anfield Buzz (@TheAnfieldBuzz) May 27, 2024
هەمان سەرچاوە ئەوەشی ئاشكرا كردووە، ئێدرسنی تەمەنی 24 ساڵان سەرنجی سڵۆتی راهێنەری بۆلای خۆی راكێشاوە، هەروەها وایلێكردووە پلانەكانی لیڤەرپوول دەربارەی گرێبەستە نوێیەكانی هاوینی داهاتوو بگۆڕێت.
لە چەند رۆژی داهاتوودا لیڤەرپوول گفتوگۆكانی لەگەڵ ئاتڵانتا بۆ بەدەستهێنانی تواناكانی ناوەڕاستكارە بەڕازیلیەكە دەستپێدەكات.
گرێبەستەكەی ئێدرسن لەگەڵ یانە ئیتاڵیەكە لە هاوینی ساڵی 2026 بەسەردەچێت.
لەم وەرزەدا ناوەڕاستكارە 24 ساڵانەكە لەگەڵ ئاتڵانتا بەشداری لە 52 یاری كردووە و توانیویەتی حەوت گۆڵ بكات و گۆڵێكیش درووست بكات.
