یاریگا –
یەکشەممەی داهاتوو لە یارییەکانی گەڕی 37ـی پرێمەرلیگ، مانچێستەر یونایتد لە یاریگای ئۆڵدترافۆرد میوانداری ئارسیناڵی پێشەنگی ریزبەندی خولەکە دەکات.
کەمێک لەمەوبەر، ئێریک تێن هاخی راهێنەری شەیتانە سوورەکان، چارەنووسی پێنج یاریزانی تیپەکەی بۆ یارییەکەی ئارسیناڵ یەکلایی کردەوە.
راهێنەرە هۆڵەندییەکە ئاشکرایکرد، مەیسن ماونتی ئینگلیزی جارێکی دیکە تووشی پێکان بووە، یاریزانە تەمەن 25 ساڵانییەکە بۆ یارییەکەی ئارسیناڵ ئامادە نابێت.
🚨 | BREAKING:
Mason Mount has suffered another injury – he will NOT be fit to face Arsenal. pic.twitter.com/M5Cs34iEkp
— UtdDistrict (@UtdDistrict) May 10, 2024
هەروەها تێن هاخ رایگەیاند؛ لیساندرۆ مارتینێزی ئەرجەنتینی دەستی بە مەشقەکانی کردووەتەوە، دوایکردووە بەرامبەر ئارسیناڵ یاری بکات، بەڵام جارێ زووە و بەشداری پێ ناکات.
راهێنەرەکەی مانچێستەر هەواڵێکی ناخۆشی دیکەی راگەیاند، کە ئاشکرایکرد پرۆسەی چاکبوونەوەی لوک شۆوی بەرگریکاری تیپەکە پاشەکشەی کردووە، یاریزانەکە بۆ ماوەیەکی زیاتر لە یاریکردن دادەبڕێت.
ئێریک لە کۆتایی قسەکانی هەواڵێکی خۆشی بە هاندەرانی یانەکەی دا و رایگەیاند، هەریەکە لە یاریزانان برونۆ فێرناندێز و سکۆت مەکتۆمینەی گەڕاونەتەوە مەشقەکان و بۆ یارییەکەی ئارسیناڵ ئامادەن.
Back in training! ✅
The boss has confirmed that @B_Fernandes8 and @McTominay10 are back with the team, but another midfielder has been ruled out of Sunday.#MUFC || #PL
— Manchester United (@ManUtd) May 10, 2024
