یاریگا –
رۆدریگۆ هێرناندێز “رۆدری” بەردەوامە لە نووسینەوەی مێژوویەکی تاکەکەسی لەگەڵ مانچێستەر سیتی و ئەمشەویش بە ڕیکۆردێک هەوادارانی بەسەرکردەوە.
ئەمشەو لە رۆدری و هاوڕێیانی بوون بە میوانی نۆتینگهام فۆرست و توانیان بە دوو گۆڵی بێ وەڵام شکست بە خاوەنماڵ بهێنن، لەو یارییەی کە تێیدا ئەستێرە ئیسپانییەکە سەرەکی بوو.
بەو بردنەوەیە، ناوبراو بوو خاوەنی درێژترین زنجیرەی یاری بەبێ شکست لە سەرجەم پاڵەوانێتیەکاندا لە مێژووی یاریزانە بەشداربووەکانی خولی ئینگلیزی.
Rodri's absurd unbeaten run in a Man City shirt extends to 7️⃣0️⃣ games.
Over 400 days since he's last lost a game 🤯 pic.twitter.com/sRY3HXT9EN
— ESPN FC (@ESPNFC) April 28, 2024
کۆتا جار سیتی یارییەکی دۆڕاندبێت و رۆدری تێیدا بەشداری کردبێت 5ی فێبرایەری 2023 بوو بەرانبەر تۆتنهام. ئەوەش واتا زیاتر لە 400 رۆژ بەر لە ئێستا.
ناوەڕاستکارە ئیسپانییەکە لە هاوینی 2018 بە بڕی 62.6 ملیۆن پاوەند لە ئەتڵەتیکۆ مەدریدەوە گواسترایەوە بۆ ڕیزەکانی سیتیزنس. هەر لەو کاتەوە وەک کۆڵەگەیەکی سەرەکی تیمەکەی پیپ گواردیۆلا خۆی سەلماندووە و توانیویەتی رۆڵێکی کاریگەر بگێڕێت لە چنینەوەی نازناوە جیاوازەکان و لەنێویشیاندا بردنەوەی چامپیۆنزلیگی وەرزی رابردوو.
ئەم وەرزەیش سیتی رکابەرایەتی دەکات بۆ بردنەوەی نازناوی پریمەرلیگ و جامی یەکێتی ئینگلتەرا.
