یاریگا –
لیۆنێل مێسی جارێکی دیکە دەستی بە مەشقەکان لەگەڵ ئینتەر مەیامی کردەوە و ئامادەکاری بۆ رووبەڕووبوونەوەی مۆنتێری دەکات.
ئەستێرەی ئەرجەنتینی لە یاری نێوان ئینتەر مەیامی و ناشڤیڵ تووشی پێکانی ران بوو و بۆ ماوەیەک دوورخرایەوە و بەشداری لە دوو یاری خولی ئەمریکیدا نەکرد. جیا لەمەش مێسی بەشداری لە یارییەکانی دۆستانەی هەڵبژاردەی ئەرجەنتیندا نەکرد.
هەرچەندە گەڕانەوەی مێسی بە فەرمی رانەگەیێندراوە، بەڵام لە گرتەیەکی ڤیدیۆیی مەشقەکانی ئینتەر مەیامیدا دەرکەوت.
Messi returns to training for Miami ahead of the Concacaf Champions Cup against Monterrey. Nicolas Freire with the group as well but no signs of Kryvtsov pic.twitter.com/p9aXfMg2EF
— Lizzy Becherano (@lizzy_becherano) April 2, 2024
سبەی پێنجشەممە لە یاری چوونی قۆناخی چارەکی کۆتایی چامپیۆنزلیگی کۆنکاکاف، ئینتەر مەیامی رووبەڕووی مۆنتێری مەکسیکی دەبێتەوە.
لە دوای یارییەکەی چامپیۆنزلیگی کۆنکاکاف، ئینتەر مەیامی لە خولی ئەمریکی بەرامبەر کۆلۆرادۆ راپیدس یاری دەکات و ئەمڕۆ بڕیار لە بەشداریکردنی لیۆ مێسی لە هەردوو یارییەکە دەدرێت.
