یاریگا –
دوای دۆڕانەکەی شەوی رابردووی ناپۆلی لە بەرامبەر بارسێلۆنا لە قۆناخی 16ی چامپیۆنزلیگ، یوڤێنتوس گەیشتە مۆندیالی یانەکانی 2025.
ناپۆلی لە قۆناخی 16ی چامپیۆنزلیگ بەرامبەر بارسێلۆنا یاری کرد، یانە کاتالۆنییەکە لە کۆی هەردوو یارییەکە، بە ئەنجامی 3-1 گەیشتە قۆناخی هەشت.
Congratulations to @juventusfc on qualifying for the FIFA Club World Cup 2025!
As a result of @sscnapoli‘s elimination from the @ChampionsLeague, Juventus are now assured of a spot via Europe’s ranking pathway and become the 10th team from Europe to qualify for the tournament. pic.twitter.com/DuFVzCsgqh
— FIFA (@FIFAcom) March 12, 2024
بڕیارە مۆندیالی یانەکانی 2025 لە ویلایەتە یەکگرتووەکانی ئەمریکا بە بەشداری 32 یانە بەڕێوەبچێت.
بەهۆی دوورخرانەوەی ناپۆلی، یوڤێنتوس خۆکارانە گەیشتە مۆندیالی یانەکان و بووە دەیەمین یانەی ئەوروپی بگاتە پاڵەوانیەتییەکە.
ناپۆلی 42 خاڵی لە ریزبەندیی ئەوروپی بەدەستهێناوە، کەچی یوڤێنتوس 47 خاڵی کۆکردووەتەوە و پێویستییەکی زۆری بەبردنەوەی بارسێلۆنا بەسەر ناپۆلی بوو، تاوەکو بگاتە مۆندیالی 2025ی یانەکان.
Mentre una squadra e i suoi tifosi si leccano le ferite, delusi dopo l’eliminazione dalla Champions League, il numero 1 della FIFA fa i complimenti alla Juventus che, proprio grazie alla sconfitta del Napoli, accede al Mondiale per Club.
Così, subito. Senza aspettare nemmeno un… pic.twitter.com/ntn9IVaeNt
— Gennaro Di Finizio (@DIF_Genny) March 12, 2024
هەرچەندە یوڤێنتوس بەهۆی سزاوە بەشداری چامپیۆنزلیگی ئەم وەرزەی نەکردووە، بەڵام توانی کورسییەکی مۆندیالی یانەکان بەدەستبهێنێت.
یانە سەرکەوتووەکان بۆ مۆندیالی یانەکانی 2025؛ تاوەکو ئێستا
ئەوروپا (10 یانە لە کۆی 12): بایرن میونشن، بۆڕووسیا دۆرتموند، ریال مەدرید، مانچێستەر سیتی، چێڵسی، ئینتەر میلان، پاریس سانجێرمان، بێنفیکا، پۆرتۆ و یوڤێنتوس.
ئەمریکای باشوور (3 یانە لە کۆی 6): پالمێراس، فلامینگۆ و فلومینێنسی.
ئەفریقا (2 یانە لە کۆی 4): ئەهلی میسڕی و ویدادی مەغریبی.
ئاسیا (2 لە کۆی 4): هیلالی سعودی و ئۆڕاوا رێد دایمۆندسی ژاپۆنی.
ئەمریکای باکوور (3 یانە لە کۆی 4): مۆنتێری، سیاتڵ ساوندەرس، کڵەب لیۆن.
ئۆقیانۆس (1 یانە): ئۆکلاند سیتی.
