یاریگا –
محەمەد سەڵاح و داروین نونێز گەڕانەوە مەشقە سەرەکییەکان.
یەکشەممەی داهاتوو کاتژمێر 6:00 بە کاتی کوردستان، لیڤەرپوول و چێڵسی لە یاریگای وێمبڵی لە یاری کۆتایی جامی خولی ئینگڵتەڕا رووبەڕوو دەبنەوە.
لە یاری رابردووی رێدز بەرامبەر لوتن تاون لە یارییەکانی گەڕی 26ی پرێمەرلیگ، محەمەد سەڵاح و داروین نونێز بەهۆی پێکان ئامادە نەبوون.
کەمێک لەمەوبەر هەژمارەی فەرمی لیڤەرپوول لە پلاتفۆڕمی ئێکس گرتە ڤیدیۆیەکی مەشقەکانی ئەمڕۆی بڵاوکردەوە، دەردەکەوێت سەڵاح و نونێز گەڕاونەتەوە مەشقە بە کۆمەڵەکانی تیپەکەیان.
— Liverpool FC (@LFC) February 23, 2024
بۆیە پێشبینی دەکرێت هەردوو ئەستێرەکەی رێدز بەشداری یاری کۆتایی جامی خولی ئینگڵتەڕا بکەن، بەڵام ئاڕنۆڵد، ئالیسن، جۆتا و جۆنز لە دەرەوەی لیستی یاریزانەکانی یانەکە دەبن و بەشداری یارییەکە ناکەن.
سەرەڕای پێکانە زۆرەکان، لیڤەرپوول لەم وەرزە بە دۆخێکی باشدا تێدەپەڕێت، لە پرێمەرلیگ 26 یاری کردووە، 60 خاڵی کۆکردووەتەوە و بە جیاوازی چوار خاڵ لەپێش مان سیتی رکابەری پێشەنگی ریزبەنی خولەکەی گرتووە.
Bring on the weekend! 😍#EFL | #CarabaoCupFinal pic.twitter.com/YXH7otnJKY
— Carabao Cup (@Carabao_Cup) February 23, 2024
