یاریگا –
سێرگێی میلینکۆڤیچ ساڤیچ ئاشکرایکردووە، کە بیری ئیتاڵیا دەکات.
ساڤیچی سڕبی لە هاوینی رابردوو بە بڕی 40 ملیۆن یۆرۆ لە لازیۆی ئیتاڵییەوە پەیوەندی بە هیلالی سعودی کرد، گرێبەستێکی سێ وەرزەی لەگەڵ یانەکە واژۆ کرد و بڕیارە تا هاوینی 2026 لە سعودیە بمێنێتەوە.
بەڵام یاریزانە تەمەن 28 ساڵانییەکە، تەنیا 6 مانگ دوای جێهێشتنی لازیۆ، بێزاری خۆی لە سعودیە دەردەبڕێت و ئارەزوو دەکات بگەڕێتەوە ئیتاڵیا.
هەفتەی رابردوو یانە ئیتاڵییەکە بۆ بەشداریکردن لە یارییەکانی جامی سوپەری ئیتاڵیا گەیشتنە سعودیە، بەگوێرەی هەواڵێکی ماڵپەڕی Il Messaggero، شەممەی رابردوو ساڤیچ لە فڕۆکەخانەی ریاز چاوی بە یاریزانانی لازیۆ کەوتووە، بە هاوڕێ کۆنەکانی گوتووە “زۆر بیرتان دەکەم، حەزدەکەم بگەڕێمەوە لازیۆ”
🚨 Sergej Milinkovic-Savić told his former Lazio teammates that he’d ‘like to return’ to the club only 6 months after leaving for Al-Hilal.
Milinkovic-Savic met the Lazio squad at the Riyadh airport on Saturday and he reportedly told his friends in the squad: “I miss you so… pic.twitter.com/0v62G7MbCD
— Transfer News Live (@DeadlineDayLive) January 22, 2024
سێرگێی یەکەم یاریزان نییە بێزاری خۆی لە سعودیە دەردەبڕێت، هەفتەی رابردوو جۆردان هێندەرسن ریزەکانی ئیتیفاقی بەرەو ئەیاکس جێهێشت، هەریەکە لە یاریزانان کەریم بێنزێما، رۆبێرتۆ فێرمینیۆ، ئێمری لاپۆرت و چەند یاریزانێکی دیکەش بەدەست نەگونجانیان لەگەڵ بارودخۆی ئەو وڵاتە دەناڵێنن و دەیانەوێت بگەڕێنەوە ئەوروپا.
لە سەرەتای ساڵی رابردوو، سعودییەکان بە گواستنەوەی کریستیانۆ رۆناڵدۆ پۆرتوگالی دەستیان بە هەڵمەتی گواستنەوەی ئەستێرەکانی ئەوروپا بۆ خولەکەیان کرد.
رۆژنامەنووسی بەریتانی بێن جەیکۆبس ئاشکرایکردووە، سعودیەکان پلانیان هەیە پرۆژەکەیان فراوانتر بکەن، بۆ ئەو مەبەستەش دەیانەوێت نزیکەی 2.5 ملیار یۆرۆی دیکە بۆ گواستنەوەی یاریزانی نوێ خەرج بکەن، هەر کاتێکیش پێویست بکات ئەوان ئامادەن ئەم ژمارەیە بەرز بکەنەوە.
🚨 EXCLUSIVE🚨
🇸🇦 Saudi Pro League set to spend around £2bn this summer
🏴 #LFC star Mo Salah and #MCFC captain Kevin De Bruyne top targets
👀 Saudis will focus on bringing young players to the league
📝@JacobsBenhttps://t.co/r0dqoIWvYi
— CaughtOffside (@caughtoffside) January 20, 2024
