یاریگا –
برایم دیاز لە پێناو ئیسپانیا داوایەکی هەڵبژاردەی مەغریبی رەتکردەوە.
تۆماس گۆنزالێز مارتین، رۆژنەمانووسی نزیک لە یانەی ریال مەدرید بڵاویکردووەتەوە، فیدراسیۆنی تۆپی پێی مەغریب داوای لە براهیم دیاز کردووە یاری بۆ هەڵبژاردەکەیان بکات، بەڵام دیاز داواکەی رەتکردووەتەوە.
هەر بەپێی زانیارییەکانی تۆماس، دیاز بڕیاریداوە یاری بۆ هەڵبژاردەی ئیسپانیا بکات و چاوەڕوانە جارێکی دیکە بانگهێشتی هەڵبژاردەی ماتادۆر بکرێتەوە.
Es el mejor regateador de España. Brahim, el futbolista de barrio, será convocado por De la Fuente para la selección española @Navegador Mi | https://t.co/1kmmlvBCY0
— Tomás González-Martín (@tgm46) January 17, 2024
لە مانگی ئازاری ئەمساڵ هەڵبژاردی ئیسپانیا لە یارییەکی دۆستانە لە یاریگای سانتیاگۆ بێرنابیۆ موانداری هەڵبژاردەی بەرازیل دەکات، دیاز هیوایەکی زۆری هەیە بۆ ئەو یارییە بانگهێشت بکرێت. دواتریش بەشداری یۆرۆی 2024 بکات.
برایم یاری بۆ سەرجەم ئاستەکانی هەڵبژاردەی ئیسپانیا کردووە، بۆ تیپی یەکەمی هەڵبژاردەکەیش یەک یاری کردووە و گۆڵێکیشی کردووە، کە یارییەکە لە هاوینی 2021 بەرامبەر بە هەڵبژاردەی لیتوانیا بووە.
ریال مەدرید لە هاوینی رابردوو ماوەی خواستنەکەی دیازی لەگەڵ ئەیسی میلان کۆتایی پێهێنا و یاریزانەکەی گەڕاندەوە ریزەکانی.
ناوبراو لەم وەرزە لەگەڵ مێرێنگی ئاستێکی بەرز پێشکەش دەکات، لە 21 یاری و لە کۆی 838′ خولەک یاریکردن 6 گۆڵی بۆ یانەکەی کردووە و 3 گۆڵیشی درووستکردووە، هەر ئەمەش بووەتە هۆکاری ئەوەی سەرنجی ئیسپانییەکان بەلای خۆیدا رابکێشێتەوە.
Ain't No Way Brahim Diaz Has 81 Pac🤯pic.twitter.com/j46spiChW0
— 𝐓𝐡𝐞 𝐌𝐚𝐝𝐫𝐢𝐝 𝐓𝐢𝐦𝐞𝐬 (@_MadridTimes) January 11, 2024
