ریاڵ مەدرید ئێمباپێ لە پریمەرلیگ نزیک دەکاتەوە!
یاریگا-پلانەکەی ریاڵ مەدرید رەنگە بە پێچەوانەی خواستی خۆیان بشکێتەوە و ئێمباپێ هان بدات رووبکاتە پریمەرلیگ.
بەگوێرەی رۆژنامەی تایمس ئێمباپێ نایەوێت بەو ئۆفەرەی مەدرید رازی ببێت کە ناچاری دەکات لە ئێستاوە واژوو لەسەر گرێبەستێک بکات بۆ هاوینی داهاتوو. مەدرید سوورە لەسەر ئەوەی تاوەکو 15ی ئەم مانگە ئەستێرە فەڕەنسییەکە داهاتووی خۆی یەکلابکاتەوە. لە بەرامبەردا ئێمباپێ نایەوێت پەلە بکات.
لە پریمەرلیگ، یانەی لیڤەرپوول گرنگی بەو یاریزانە دەدات و بەگوێرەی میدیاکانی بەریتانیا بژاردەی دووهەمی ئێمباپێ یە لە باری پەیوەندی نەکردن بە ریاڵ مەدریدەوە. بژاردەی سێهەمی ئەو یاریزانە مانەوەیە لە پاریس بەڵام رۆیشتن لە فەڕەنسا ئامانجی ئێستای ئێمباپێ یە.
لەلایەکی دیکە، هەواڵی ئەوە هەیە، ئەو گرێبەستەی مەدرید پێشکەشی ئێمباپێی کردووە بە مووچە و شایستەی داراییەکی کەمترە لەوەی لە هاوینی 2022دا خستییە سەر مێزی گفتوگۆ.
پلانەکەی مەدرید بۆ زوو یەکلاکردنەوەی کەیسی ئێمباپێ رەنگە ئەو یاریزانە پاڵ پێوەبنێت مەدرید لەبیر بکات و رووبکاتە پریمەرلیگ.
