یاریگا –
محەمەد سەڵاح بووەتە پاشای ئەم وەرزەی پرێمەرلیگ و باشترین ژمارەکانی بەناوی خۆیەوە تۆمارکردووە.
دووشەممەی رابردوو لیڤەروول لە یارییەکانی گەڕی 20ـی پرێمەرلیگ میوانداری نیوکاسڵ یونایتدی کرد و یارییەکەی 4-2 بردەوە.
محەمەد سەڵاح توانی لەو یارییە 2 گۆڵ بکات و گۆڵێکیش درووست بکات، ئەمەش کۆتا یاریی سەڵاح بوو بۆ رێدز تا دوای جامی نەتەوەکانی ئەفریقا.
جامی نەتەوەکانی ئەفریقای 2023 لە بەرواری 13/1 دەستپێدەکات و لە 11/2 یاری کۆتایی دەکرێت. سەڵاح لەو جامە سەرکردایەتی هەڵبژاردەی میسڕ دەکات.
Happy. New. Year. pic.twitter.com/rGvptFkymA
— Mohamed Salah (@MoSalah) January 1, 2024
هەر بۆ ئەو مەبەستە، ئەستێرە میسڕییەکە پەیوەندی بە شاندی هەڵبژاردەی وڵاتەکەی کرد و لە چەند یارییەکی داهاتووی یانەکەی بێبەش دەبێت، بەڵام بەر لە جێهێشتنی ئینگڵتەڕا، سەڵاح تاجی پادشایەی ئەم وەرزەی خولەکەی لەسەر کردووە.
محەمەد سەڵاح لەم وەرزەی پرێمەرلیگ لە 20 یاریدا 14 گۆڵی کردووە، بە هاوبەشی لەگەڵ ئێرلینگ هالاند پێشەنگی گۆڵکارانی خولەکەی گرتووە.
هەروەها 8 گۆڵی بۆ هاوڕێکانی درووستکردووە و بە هاوبەشی لەگەڵ ئۆلی واتکینز، پێشەنگی گۆڵدرووستکارانی خولەکەی گرتووە.
A world-class @MoSalah assist, finished off by Cody to extend our advantage in #LIVNEW 🙌 pic.twitter.com/tEV4kWdejY
— Liverpool FC (@LFC) January 2, 2024
گرنگترین ئامارەکانی محەمەد سەڵاح لەم وەرزەی پرێمەرلیگ
◉ زۆرترین گۆڵ: 14 – بە هاوبەشی لەگەڵ هالاند
◉ زۆرترین ئەسیست: 8 – بە هاوبەشی لەگەڵ واتکینز
◉ زۆرترین بەشداریکردن لە گۆڵ: 22
◉ رەخساندنی زۆرترین دەرفەتی گۆڵکردن: 17
◉ زۆرترین شوت بۆ گۆڵ: 33
◉ بەرکەوتنی زۆرترین تۆپ لە ناوچەی سزای تیپی بەرامبەر: 163
