یاریگا –
راسموس هۆیلوند، هێرشبەری هەڵبژاردەی دانیمارك و یانەی مانچێستەر یونایتدی ئینگلیزی دڵخۆشی خۆی بە گۆڵەكەی بەرامبەر ئاستۆن ڤیلا دەربڕی.
شەوی رابردوو مانچێستەر یونایتد لە یاریگای ئۆڵد ترافۆردی تایبەت بە خۆی میوانداری ئاستۆن ڤیلای كرد و یارییەكەش بە ئەنجامی سێ گۆڵ بەرامبەر دوو گۆڵ لە بەرژەوەندی خاوەن ماڵ كۆتایی هات.
BIG THREE POINTS! ➕3️⃣#MUFC || #MUNAVL
— Manchester United (@ManUtd) December 26, 2023
لە گێمی یەكەمی یارییەكەدا كوڕانی ئونای ئێمری دوو گۆڵیان لە رێگەی یاریزانان جۆن ماكگین و لیاندەر دێندۆنكەر لە خولەكەكانی 21 و 26 كرد.
لە گێمی دووەمدا تێن هاخ و كوڕەكانی گەڕانەوە یاریگا و سێ گۆڵیان لە لایەن ئالیخاندرۆ گارناچۆ دوو گۆڵ و راسموس هۆیلوند گۆڵێك تۆمار كرد و توانیان سێ خاڵی یارییەكە بەدەست بهێنن.
United spirit ❤️🔥@TeamViewer ↔️ #FindYourBetter pic.twitter.com/bdsyRkWnXn
— Manchester United (@ManUtd) December 26, 2023
لە دوای یارییەكە هێرشبەرە دانیماركیەكەی شەیتانە سورەكان گوتی:
ماوەیەكی زۆرە چاوەڕوانی یەكەم گۆڵم لە پرێمەرلیگ، بەڵام بێگومان زۆر دڵخۆشم، ئێستا دڵخۆشترین پیاوی جیهانم، ئەوەش لە ئاهەنگگێڕانەكانمدا دیار بووە.
بەردەوام بوو گوتیشی:
تا كۆتایی باوەڕمان بە خۆمان بوو وە سەركەوتنیشمان بەدەستهێنا، پێشتر چەند گۆڵێكم لە خولی یانە پاڵەوانەكانی ئەوروپا كرد و ئەوە یەكەم گۆڵم بوو لە پرێمەرلیگ، هیوادارم بتوانم لەسەر ئەوە بەردەوام بم.
تیپەكەی تێن هاخ بە كۆكردنەوەی 31 خاڵ خۆی گەیاندە ریزبەندی شەشەمی پرێمەرلیگ.
