یاریگا –
سێ یانەی پرێمەرلیگ هەوڵی گواستنەوەی ئێنکێتیای هێرشبەری یانەی ئارسیناڵ دەدەن.
ماڵپەڕی فووتبۆڵ ئینسایدەر بڵاویکردووەتەوە، یانەی وێستهام یونایتد چاوی بڕیووەتە تواناکانی ئێدوارد ئێنکێتیای ئەستێرەی هەڵبژاردەی ئینگڵتەڕا و یانەی ئارسیناڵی لەندەنی.
بەپێی هەمان سەرچاوە، هامەرز ئامادەیە بڕی 40 ملیۆن پاوەند لە پێناو گواستنەوەی ئەو هێرشبەرە تەمەن 24 ساڵانییە خەرجبکات، کە هەمان ئەو بڕە پارەیە گەنەرز داوای دەکات.
🚨𝐁𝐑𝐄𝐀𝐊𝐈𝐍𝐆: Arsenal are willing to part with Eddie Nketiah for a fee of around £40m amid interest from West Ham, Brentford and Crystal Palace. 🔴📰
(✍️: Football Insider) pic.twitter.com/SaSFdODSjm
— Daily Football (@goatedfootballl) December 25, 2023
سەرچاوە بەریتانییەکە ئاماژەی بەوەش کردووە، جیا لە وێستهام هەریەکە لە یانەکانی کریستاڵ پاڵاس و برێنتفۆردیش چاودێری تواناکانی ئێدوارد دەکەن، ئارەزوو دەکەن گرێبەستی لەگەڵدا واژۆ بکەن.
هاوکات بەپێی زانیارییەکانی رۆژنامەنووس رودی گالێتی، یانە لەندەنییەکە لەگەڵ ئیڤان تۆنی ئەستێرەی یانەی برێنتفۆرد لە گفتوگۆدایە، گەنەرز دەیەوێت بەهەر جۆرێک بێت لە مێرکاتۆی زستانە ئەو هێرشبەرە بەرەو ریزەکانی پەلکێش بکات.
گواستنەوەی ئیڤانی تەمەن 27 ساڵان ئەگەرەکانی رۆیشتنی ئێنکێتیا زیاتر دەکات، ئەگەر لە مێرکاتۆی زستانەش نەبێت بە ئەگەرێکی زۆر یاریزانەکە لە مێرکاتۆی هاوینی داهاتوو ماڵئاوایی لە گەنەرز دەکات.
ئێنکێتیا لەم وەرزە لە سەرجەم پاڵەوانێتییەکاندا 24 یاری بۆ ئارسیناڵ کردووە، بەشێوەیەکی گشتی 1,142′ خولەک یاری کردووە، 6 گۆڵی کردووە و 4 گۆڵیشی درووستکردووە.
🚨 Arsenal have contacted Ivan Toney’s representatives as they consider making a firm offer to Brentford for the 27-year-old forward.
(Source: @RudyGaletti) pic.twitter.com/JEJ6DjQ1ds
— Transfer News Live (@DeadlineDayLive) December 24, 2023
