بایرن میونشن 100 ملیۆن یۆرۆ بۆ ئەستێرەیەكی بارسا تەرخان دەكات
یاریگا –
راپۆرتە رۆژنامەوانیەكان ئاشكرایانكرد یانەی بایرن میونشنی ئەڵمانی بڕە پارەیەكی خەیاڵی بۆ گواستنەوەی بەرگریكارێكی بارسێلۆنا تەرخان دەكات.
بایرن میونشن هەوڵی بەدەستهێنانی تواناكانی رۆناڵد ئاراوخۆی ئۆرۆگوایی و بەرگریكاری یانەی بارسێلۆنای ئیسپانی دەدات.
گرێبەستەكەی ئاراوخۆ لەگەڵ بارسێلۆنا لە هاوینی ساڵی 2026 بەسەردەچێت و بڕی هەڵوەشاندنەوەی گرێبەستەكەشی یەك ملیار یۆرۆیە.
✖️ El Bayern no insistirá más por Araujo en invierno
🔜 pero sí en verano
✍️ @javigasconMD https://t.co/FEKxl8kJpF
— Mundo Deportivo (@mundodeportivo) December 23, 2023
بەپێی زانیارییەكانی رۆژنامەی مۆندۆ دیپۆرتیڤۆی ئیسپانی بایرن میونشن پڕۆسەی گواستنەوەی ئاراوخۆ بۆ هاوین دوادەخات بەوپێیەی یاریزانەكە رەتیدەكاتەوە لە گواستنەوەكانی زستانەدا یانەكەی جێبهێڵێت.
هەمان سەرچاوە ئەوەشی ئاشكرا كردووە، یانە ئەڵمانیەكە ئامادەیە بڕی 100 ملیۆن یۆرۆ لە گواستنەوەكانی هاوینی داهاتوودا بدات بە بارسێلۆنا، لە پێناو بەدەستهێنانی تواناكانی ئاراوخۆ، كە ئەمەش ئەو بڕەیە یانە كەتەلۆنییەكە پێوویستیەتی و مەحاڵە بتوانێت رەتیبكاتەوە.
🚨🌕| Bayern Munich are ready to offer €100M for Ronald Araujo. @mundodeportivo pic.twitter.com/7ObfH6q0j2
— Managing Barça (@ManagingBarca) December 23, 2023
ئاراوخۆ لەم وەرزەی لالیگادا بەشداری لە 12 یاری كردووە و توانیویەتی گۆڵێك بكات.
