یاریگا –
رۆدریگۆ هێرناندێز بۆ یاری داهاتووی یانەکەی ئامادە دەبێت و مەترسی لەسەر نییە.
شەوی رابردوو لە یاری کۆتایی جامی جیهانی یانەکان، مانچێستەر سیتی رووبەڕووی فلۆمێنینزی بوویەوە، یارییەکەشی بە ئەنجامی 4-0 بردەوە و بۆ یەکەمجار لە مێژوودا بووە پاڵەوانی مۆندیالی یانەکان.
بەڵام رۆدری لە خولەکی 74 یارییەکە بەهۆی تووشبوونی بە پێکان لە ئەژنۆیدا یاریگای جێهێشت، ئەمەش ترس و دڵەڕاوکێی لای هاندەرانی یانەکەی درووستکرد.
بەڵام ئەستێرە ئیسپانییەکە دوای یارییەکە لە لێدوانێکی بۆ تۆڕی سکای سپۆرت، دڵناییدا کە دۆخی تەندرووستی باشە و بۆ یاری داهاتووی یانەکەی ئامادە دەبێت.
دوای خۆ خشاندنەکە ئەوەندە ئازارم زۆر بوو خەریکبوو بگریم، بەڵام ئێستا باشم، دەتوانم بەرامبەر ئێڤەرتن یاری بکەم
🚨𝐉𝐔𝐒𝐓 𝐈𝐍: Rodri might be fit to travel with the squad for the Everton fixture on Decemebr 27.
“Rodri says he will be fit to play for Man City against Everton on Wednesday. Left the stadium tonight with light strapping on his right knee but was walking normally.”… pic.twitter.com/O32Ah3Ier0
— Purple Panel (@PurplePanel) December 22, 2023
رۆدری لەم وەرزەی پرێمەرلیگ بەهۆی کارتی سوور و سزای راگیران لە سێ یاری یانەکەی بێبەشبووە، ئامادەنەبوونی لەهەر یارییەکدا گرفتێکی زۆری بۆ پێپ گواردیۆلا درووستکردووە.
ناوبراو لە هاوینی 2019 بە بڕی 70 ملیۆن یۆرۆ لە ئاتلێتیکۆ مەدریدەوە پەیوەندی بە مانچێستەر سیتی کرد، بە درێسی یانە ئینگلیزییەکە لە سەرجەم پاڵەوانێتییەکاندا 229 یاری کردووە، 21 گۆڵی کردووە و 22 گۆڵیشی درووستکردووە.
1 نازناوی چامپیۆنزلیگ، 3 نازناوی پرێمەرلیگ، 1 نازناوی جامی سوپەری ئەوروپا، 1 نازناوی جامی جیهانی یانەکان، 1 نازناوی جامی قەڵغان، 2 نازناوی جامی کاراباو و 1 نازناوی جامی یەکێتی ئینگڵتەڕای بەدەستهێناوە.
“We’ve won it all, we’ve won the lot!” 🤩 pic.twitter.com/IHieNm1Dlb
— Manchester City (@ManCity) December 22, 2023
