یاریگا –
خوان کوادرادۆ بەهۆی نەشتەرگەری ریشاڵی پووزی پێی چەپی بۆ ماوەی سێ مانگ لە یاریگاکان دوور دەکەوێتەوە.
ئەم یاریزانە باڵە کۆڵۆمبیە یانەکەی ئاگادار کردەوە کە بڕیاری داوە نەشتەرگەری بۆ بکرێت تاوەکوو بە تەواوی کێشەی پێکانە کۆنەکەی چارەسەر بکات. ریشاڵی پووزی لە پێی چەپیدا کێشەی بۆ کوادرادۆ درووست کردووە بۆیە بڕیارە رۆژی سێشەممە یان چوارشەممە لە فینلاند نەشتەرگەری بۆ بکرێت و بەمەش سێ مانگ لە یاریگاکان دوور دەکەوێتەوە.
کوادرادۆ لەم هاویندا لە یانەی یوڤێنتۆسەوە پەیوەندی بە ئینتەرمیلانەوە کرد و دوای سێ یاریی یەکەمی ئەم وەرزە لەگەڵ هەڵبژاردەی ولاتەکەی تووشی پێکان بوو، لە 7ی تشرینی یەکەمدا گەڕایەوە ناو یاریگا و دووبارە تووشی پێکان بوو بەم بۆنەیەوە نەیتوانی لە 6 یاری ئینتەردا بەشداری بکات.
ئەم هێرشبەرە لە 26ی تشرینی دووەمەوە بەشداری پێنج یاری لەسەریەک یانەکەی، لەنێویاندا دوا یاری چامپیۆنزلیگ بەرامبەر سۆسیداد کرد، بەڵام دواجار بڕیاریدا نەشتەرگەری بۆ بکرێت.
