بێڵینگهام نهێنیی ئاستبەرزییەکەی لە ریال مەدرید ئاشکرا دەکات، خەسلەتێکی خۆی و بڕیارێکی ئەنچیلۆتی بە هۆکاری سەرەکی دەزانێت.
جود بێڵینگهام، یاریزانی ریال مەدریدی ئیسپانی لە رێوڕەسمی وەرگرتنی خەڵاتی گۆڵدن بۆی لە شاری تۆرین لە ئیتاڵیا، لەبارەی نهێنیی ئاستبەرزییەکەی لە ریال مەدرید گوتی :’نهێنیی ئاستبەرزیی من لە ریال مەدرید پەیوەندیی بەوە هەیە من هەست بە بەرپسیارەتی دەکەم، من لە منداڵییەوە لە ئەکادیمیاوە لەسەر ئەمە راهاتووم، حەز بە بەرپرسیارەتی دەکەم’.
🏆 ¡Nuestro #GoldenBoy y sus trofeos!
🥇 @BellinghamJude pic.twitter.com/sa4cJ4Bh1c— Real Madrid C.F. (@realmadrid) December 4, 2023
بێڵی کارلۆ ئەنچیلۆتی راهێنەری یانەکەشی بە هۆکارێکی دیکەی ئاستبەرزیی خۆی دادەنێت و دەڵێت :’من هەموو رۆژێک هەوڵ دەدەم باشتر بم، بۆ ئەویە بتوانم یارمەتی ریال مەدرید بدەم، هەموو بیر و هۆشم لەسەر ئەمەیە، کارلۆ ئەنچیلۆتیش لە شوێنێکی گونجاو یاریی بە من دەکات، کە وایکردووە من زۆر ئاسوودە بم و لە ریال مەدرید ئاستێکی بەرز پێشکەش بکەم’.
بێڵینگهام کە خەڵاتی گۆڵدن بۆی ئەمساڵی بەدەستهێنا، لەگەڵ ریال مەدرید لە یەکەمین وەرزیدا ئاستێکی بەرز پێشکەش دەکات و لە سەرجەم پاڵەوانێتییەکان 15 گۆڵی کردووە و بە تۆمارکردنی 11 گۆڵ پێشەنگی گۆڵکارانی لالیگایە.
