یاریگا –
جارێکیتر پەیامێکی نوێ دەدرێتەوە بە گوێی بەرپرسانی ریاڵ مەدریددا لە بارەی مەیل و خواستی خیچکا کڤاراتسخیلیا.
شەوی ڕابردوو لە میانی گەڕی پێنجەمی یارییەکانی چامپیۆنزلیگ لە کۆمەڵەی سێیەم، ریال مەدرید توانی 4-2 لە ناپۆلی میوانی بباتەوە و بۆ دووەم ڕوبەرووبوونەوەی نێوانیان لەم وەرزە یانە ئیتاڵیەکە دووچاری شکست بکەن. دوای یارییەکەیش، کە تێیدا کڤارا دیسانەوە دەستەوەستاند بوو لە تۆمارکردنی هیچ گۆڵ و ئاسیستێک، باوکی ناوبراو بە لێدوانەکانی هەوڵی دا سەرنجی بەرپرسانی مێرەنگی بۆ لای کوڕەکەی راکێشێت و وتی:
خیچکا هەمیشە لە ڕابردوودا و ئێستایش، خەونی بە یاریکردن بۆ ریال مەدرید بینیوە و دەبینێت. من دڵنیام لەمە. بە لای ئەوەوە یاریکردنیش لە دژی ریاڵ شتێکی تایبەت بوو. لە خێزانەکەمان هەمومان هەوداری ڕیاڵ مەدریدن جگە لە من.
🇬🇪 Kvaratskhelia's dad Badri: “Khvicha always dreamed and still dreams of playing for Real Madrid. I am sure about it”.
“For Khvicha, playing vs Real Madrid was special. In my family everyone is a Real Madrid supporter, except me”, told @Geo__team. pic.twitter.com/ZdJaPEuBH1
— Fabrizio Romano (@FabrizioRomano) November 30, 2023
ئەو لێدوانانەی بەدری باوکی یاریزانە جۆرجیەکە لە کاتێکدایە کە پێشتریش بریکارەکەی ئەو راستیەی ئاشکرا کردبوو کڤارا هاندەری مێرەنگییە.
لە بازاڕ و نرخی یاریزاناندا بە 85 ملیۆن خەمڵێنراوە و، تا ئێستایش دیار نییە یانە شاهانەکە بۆ پتەوترکردنی هێڵەکانی پێشەوەی تەنها ئێرلینگ هالاند و کیلیان مبابێ لە بژاردەکانیان دەمێنێتەوە، یاخود بیر لە گواستنەوەی کڤارای تەمەن 22 ساڵان و پاڵەوانی خولی ئیتاڵی دەکەنەوە.
