یاریگا –
ماوریزۆ ساری بە گاڵتەوگەپەوە وەڵامی ئەو پرسیارەی دایەوە کە داخۆ لە قۆناخەکانی داهاتوودا ڕوو دەکاتە سعودیە بۆ کاری ڕاهێنەرایەتی.
ئەگەرچی ساری زیاتر گاڵتە و تەنز بە وەڵامەکەیەوە دەبینرێت، بەڵام میدیاکان شرۆڤەی جیاوازی بۆ دەکەن و ئەوە بە جۆرێک لە دانەخستنی دەرگا و هێشتنەوەی ئەگەر بە ڕووی درێژەدان بە کاری ڕهێنەرایەتی دەبینن لە سعودیە. کاتێک ڕۆژنامەنووس لێی پرسی:
– دەبیتە ڕاهێنەر لە سعودیە؟
ساری: دەتوانم لەوێ جگەرە بکێشم؟
رۆژنامەنووس: بەڵێ.
ساری: کەواتا با بزانم.
🚨🇸🇦
هل ستكون مدرب في السعودية؟
ماوريسيو ساري مدرب لاتسيو: هل بإمكاني التدخين هناك؟ ثم سأرى. pic.twitter.com/fcFlou5XhR
— EPL World (@EPLworld) November 23, 2023
لێدوانەکەی ساری دوای کەمتر لە ڕۆژێک دێت لە قسەکانی جۆزێ مۆرینهۆی ڕاهێنەری ئێستای یانەی ڕۆما کاتێک بە تۆڕی هەواڵی Rai2ی ڕاگەیاند کە ڕۆژێک دادێت ڕوو دەکاتە ڕۆژهەڵاتی ناوەراست بۆ کاری ڕاهێنەرایەتی.
ماوریزیۆ ساری جگەرێکێشی توندە و تەنانەت لەنێو یاریگایشدا لە ساتی بەڕێوەچوونی یارییەکاندا جگەرە دەکێشێت. پێشتریش لە ساڵانی ڕابردوودا چاوپێکەوتنێکدا ئەوەی ڕاگەیاندبوو کە رۆژی تا 60 سیگار دەکێشێت. سەروەختی پەیوەندیکردنی بە یانەی چێڵسی ئینگلیزی لە ساڵی 2018-2019، یەکێک لە گرفتەکانی ئەوە بوو ڕێککارەکانی پریمەرلیگ زۆر لەوە توندتر بوون ساری بتوانێت جگەرە بکێشێت، هەر بۆیە ئەو کارەی لێ قەدەخە کرا.
