تەواو؛ لازیۆ راهێنەری نوێی دەستنیشانکرد

دوای رەتکردنەوەی گەڕانەوە بۆ تۆرینۆ، جینارۆ گاتوسۆ لە لێواری دەستبەکاربووندایە لە یانەی لازیۆ.

بەگوێرەی راپۆرتەکانی ئیتالیا، جێنارۆ گاتوسۆ تەنیا هەنگاوێک لە راهێنەرایەتیی نوێی یانەی لازیۆ دوورە، ئەمەش دوای رەتکردنەوەی دەرفەتی گەڕانەوەی بۆ تۆرینۆ. ئێستا گفتوگۆکانی نێوان هەردوولا لە قۆناخێکی تەواو پێشکەوتوودان.

دەگوترێت گاتوسۆ نزیکە لە واژۆکردنی گرێبەستێکی درێژخایەن کە تاوەکوو ساڵی 2028 لە یاریگای ستادیۆ ئۆلیمپیکۆ دەیهێڵێتەوە، لەگەڵ بژاردەی درێژکردنەوەی رێککەوتنەکە بۆ ساڵێکی دیکە تاوەکوو ساڵی 2029.

ئەم راهێنەرە ئیتالیاییە پێشتر ناوی بە راهێنەرایەتی تیمی نیشتمانیی تۆپی پێی ئیتالیاوە بەسترابووەوە، بەڵام لازیۆ بە خێرایی جووڵایەوە بۆ ئەوەی خۆی بخاتە پێشەوەی پێشبڕکێكە و ئێستا لە لێواری کۆتاییهێنانی رێککەوتنەکەدایە.

Rino #Gattuso – after rejected #Torino’s bid – is one step away to join #Lazio. For Italy National Team’s coach ready a contract until 2028 with the option for 2029. #transfers

— Nicolò Schira (@NicoSchira) May 25, 2026

یانەی تۆرینۆ ئەگەری گەڕاندنەوەی گاتوسۆی بۆ خولێکی دیکە تاوتوێ کردبوو، بەڵام براوەی جامی جیهانیی 2006، ئۆفەرەکەی لەپێناو پڕۆژەی وەرزشیی درێژخایەنی لازیۆدا رەتکردەوە. ئەگەر ئەم گواستنەوەیە کۆتایی بێت، گاتوسۆ بە ئەرکی رێکخستنەوەی لازیۆ و گەڕاندنەوەی توانای کێبڕکێی یانەکە چ لە ناوخۆ و چ لە پاڵەوانییەتییە ئەوروپییەکاندا دەگاتە رۆما. چاوەڕوانیش دەکرێت بەم زووانە راگەیاندنی فەرمی بکرێت.