یاریگا –
دیكۆ، بەڕێوەبەری وەرزشی یانەی بارسێلۆنای ئیسپانی باس لە پێكانەكەی پابلۆ گاڤی، ئەستێرەی هێڵی ناوەندی یانەكەیان دەكات.
لە یاری هەڵبژاردەكەی بەرامبەر جۆرجیا گاڤی تووشی پێكان بوو بەهۆیەوە لە خولەكی 26 یاریگای جێهێشت.
یانەی بارسێلۆنا لە بەیننامەیەكی فەرمیدا رایگەیاند گاڤی تووشی پچڕانی بەستەری ئەژنۆی بووە و بەهۆیەوە ماوەیەكی زۆر لە یاریگاكان دووردەكەوێتەوە.
Molta força, Gavi. ❤️🩹#EveryoneWithGavi pic.twitter.com/JclNlvGjDK
— FC Barcelona (@FCBarcelona_cat) November 20, 2023
سەبارەت بە پێكانەكەی گاڤی دیكۆ ووتی:
هیچ یاریزانێك نیە لە بازاڕدا بتوانێت جێگای گاڤی بگرێتەوە.
بەڕێوەبەری وەرزشی بارسێلۆنا بەردەوام بوو ووتی:
گاڤی جێگرەوەی نیە، هیچ كەسێك ناتوانێت ئەو كارە بكات كە ئەو دەیكات، چ لە رووی تواناوە یان لە رووی بیركردنەوەوە، قسە كردن لەسەر قەرەبووكردنەوەی گاڤی هەڵەیە، هەڵە بووین كە پێمان وابوو یاریزانێك دەدۆزینەوە جێگای بگرێتەوە، هیچ یاریزانێك نادۆزینەوە، پێكانەكەی جێگای داخە، بەڵام لەوە زیاتر بەوە دڵگران دەبین كە ناتوانین شوێنگرەوەی بدۆزینەوە.
زۆربەی سەرچاوەكان ئاماژە بەوە دەكەن بەهۆی پێكانەكەیەوە گاڤی بۆ ماوەی 8 بۆ 9 مانگ لە یاریگاكان دووردەكەوێتەوە.
