پیکێ: ریال مەدرید شایستەی نازناوی چامپیۆنزلیگی 2021/2022 نەبوو
دەڵێت: ریال مەدرید زۆربەی نازناوەکانی بە شایستەیی بەدەست نەهێناوە
پیکێ لە نوێترین دیمانەیدا دەڵێت:’ریال مەدرید شایستەی نازناوی چامپیۆنزلیگی 2021/2022 نەبوو، لە هیچ یارییەک لە رکابەرەکانی باشتر یاریی نەکرد’.
جیرارد پیکێ بەرگریکاری پێشووی بارسێلۆنای ئیسپانی لە نوێترین دیمانەی لەگەڵ رادیۆی کادێنا سێری ئیسپانی لەبارەی نازناوەکانی ریال مەدرید لە چامپیۆنزلیگ دەڵێت :’نامەوێت لە نازناوەکانی ریال مەدرید لە چامپیۆنزلیگ كەم بكەمەوە كە بەدەستیهێناوە، بەڵام بۆ ئێمە لە بارسێلۆنا پێشكەشكردنی ئاستی بەرز گرنگە، ئەو پێنج نازناوەی ئێمە بەدەستمان هێناوە لە چامپیۆنزلیگ لەو وەرزانە بووە لە خولەکە لە سەرجەم رکابەرەکانمان باشتر بووین’.
🗣️💥 @3gerardpique MATIZA sus palabras en @ElLarguero sobre la Décimocuarta
⏱️ ⚠️ "¡Que con 5 minutos te valga para ganar unas semifinales de Champions es algo bueno!"
🏆❌ "La 14 del @RealMadrid no se va a recordar por el juego, pero sí quizá por la épica" pic.twitter.com/Ei1oimTHYf
— El Larguero (@ellarguero) November 20, 2023
پیکێ لەبارەی دوایین نازناوی ریال مەدرید لە چامپیۆنزلیگ :’ریال مەدرید لە وەرزی 2021/2022 لە هیچ یارییەک لە چوون و گەڕانەوە تەنانەت لە یاریی کۆتاییش لە رکابەرەکانی باشتر نەبوو، ریال مەدرید هەندێک خاسیەتی هەیە هۆکارە بۆ سەرکەوتنەکانی لە چامپیۆنزلیگ، ریمۆنتادا و کۆششکردن تاوەکو کۆتایی ئەو دوو خاسیەتەن لەوانەیە بەو رێژەیە لە بارسێلۆنا نەبێت، ریال مەدرید بەرامبەر مان سیتی تەنیا پێنج خولەک باش یاریی کرد، کەچی خۆی گەیاندە قۆناخی داهاتوو، بەڵام لە بارسێلۆنا هەرگیز ئەمە روونادات’.
ریال مەدرید وەرزی 2021/2022 لە قۆناخە یەکلاکەرەوەکان بەرامبەر پاریس سانجێرمان و چێڵسی و مانچێستەر سیتی ریمۆنتادای کرد و لە هەر سێ قۆناخدا لە یاریی گەڕانەوە تۆڵەی یاریی چوونی دەکردەوە و لە یاریی کۆتاییش لە لیڤەرپوولی بردەوە.
لە دیمانەکە لەبارەی ئەوەی بارسێلۆنا هیچ یارییەکی نەبردووەتەوە بەبێ ئەوەی ئاستێکی بەرزی پێشکەش کردبێط، لە پیکێ دەپرسێت بەڵام ئێوە لە یاریگای ئەنوێتا بەرامبەر سێلتاڤیگۆ تەنیا شووتێکتان بۆ ناو گۆڵ هەبوو، بەو شووتە بردنەوەتان بەدەستهێنا؟
ئەم یارییە لە لالیگا بوو، تۆ نموونەیەکم بۆ بهێنەوە لە چامپیۆنزلیگ، هیچ یارییەک هەبوو لە چامپیۆنزلیگ ئێمە ئاستێکی بەرز پێشکەش نەکەین کەچی بردنەوەمان بەدەستهێنابێت؟
