یاریگا –
دوای تووشبوونی بە پێکانێکی سەخت، نێیمار دا سیلڤای بەڕازیلی پەیامێکی بڵاوکردەوە.
نێیمار لە هەژماری فەرمی خۆی لە پلاتفۆڕمی ئێکس (تویتەری پێشوو) نوسیوییەتی:
لە ساتێکی زۆر خەمگیندام، خراپترین ساتە.
دەزانم بەهێزم، بەڵام ئەمجارەیان زیاتر پێویستم بە خێزانەکەم و هاوڕێکانمە.
ئاسان نییە بە پێکان و نەشتەرگەریدا تێپەڕیت، بیهێنە بەرچاوت کە دوای تەنیا 4 مانگ لە چاکبوونەوە،
دووبارە ئەمە روودەداتەوە.
زۆر بە باوەڕم… هەمووشتێک دەدەمە دەستی خودا تا دووبارە بمکاتەوە بە کەسێکی تەندرووست.
سوپاس بۆ پەیامی پڕ سۆز و پاڵپشتییەکانتان.
É um momento muito triste, o pior.
Sei que sou forte mas dessa vez vou precisar ainda mais dos meus (família e amigos)
Não é fácil passar por lesão e cirurgia, imagina passar isso tudo de novo após 4 meses recuperado.
Fé eu tenho, até demais …
Mas a força eu entrego nas mãos… pic.twitter.com/H7Rm7elzBA— Neymar Jr (@neymarjr) October 19, 2023
بەرەبەیانی دوێنێ، لە یارییەکانی پاڵاوتنەکانی جامی جیهانی 2026 – کیشوەری ئەمریکای باشوور، بەڕازیل لە یاریگای سێنتێناریۆ بووە میوانی ئوروگوای، یارییەکەیشی بە ئەنجامی دوو گۆڵی بێبەرامبەر دۆڕاند.
لە خولەکی 49ـی یارییەکە نێیمار بەهۆی پێکان بەگریانەوە یاریگای جێهێشت، پاش پشکنینە پزیشکییەکان دەرکەوت تووشی پچڕانی بەستەری ئەژنۆ بووە، بەو هۆیە نەشتەرگەری بۆ دەکرێت، نزیکەی 9 مانگ لە یاریکردن دادەبڕێت.
Neymar is always so unlucky with injury. Can’t catch a break can he? 🤕pic.twitter.com/Akf7jgAfh9
— 🐐 (@AIwaysRonaldo) October 18, 2023
بەهۆی ئەو پێکانە ئەم وەرزە بۆ یاریزانە تەمەن 31 ساڵانییەکە کۆتایی هات، بە ئەگەرێکی زۆر ناتوانێت لەگەڵ هەڵبژاردەی بەڕازیلیش بەشداری کۆپا ئەمریکای 2024 بکات.
نێیمار لە مێرکاتۆی رابردوو بە بڕی 90 ملیۆن یۆرۆ لە پاریس سانجێرمانەوە گواسترایەوە بۆ هیلالی سعودیە، بە درێسی یانە سعودییەکە تەنیا بەشداری 5 یاری کردووە، خاوەنی یەک گۆڵ و سێ ئەسیستە.
BREAKING: Medical tests have confirmed Neymar has suffered a tear to his Anterior Cruciate Ligament and Meniscus injury in his knee, he will undergo surgery ⬇️ pic.twitter.com/xerxr1E1tb
— Sky Sports News (@SkySportsNews) October 18, 2023
