زیدان باس لە داهاتووی دەکات

یاریگا

یۆڤێنتوس شەوێکی نایابی بەسەر برد، ژمارەیەکی زۆر لە ئەفسانەکانی ئەم یانەیە لە ئاهەنگی 100 ساڵەی خاوەندارێتی بنەماڵەی ئانێلی لە شاری تۆرینۆ بەشدارییان کرد، جگە لە مەراسیمێک یارییەکی دۆستانەش ئەنجامدرا.

زێدان کە تیپەکەی بەرامبەر تیپەکەی ئەلیساندرۆ دێل پیێرۆ بە ئەنجامی 9-6 سەرکەوتنی بەدەستهێنا، لە یارییەکەدا گۆڵێکی تۆمارکرد و 3 ئەسیستیشی کرد. دوای یارییەکەش زیزۆ گووتی

من زۆر دڵخۆشم کە لێرەم لەگەڵ هەموو خێزانی یوڤێنتوس. ئەمە هەموو ڕۆژێک ڕوونادات

زیدان لە بەشێکی دیکەی قسەکانی لەبارەی توانا جەستەییەکانی دەڵێت

لە رووی توانای جەستەییەوە باشم. لێرە بوون لەگەڵ ئەم کەسانە و لەگەڵ هەموو خێزانی یوڤێنتوس جوانترین شت بوو. بۆ ئێمە کاتێک تۆپی پێ جێدەهێڵین و دواتر بۆ ماوەیەک دەگەڕێینەوە ناو یاریگا، زۆر جوانە دڵخۆشی خەڵک ببینین

زیزۆ لەبارەی چارەنوسی خۆی و کاری راهێنەرایەتی گووتی

نەخێر. منیش وەک ئەنتۆنیۆ کۆنتیم. بۆ ئێستا سەرنجم لەسەر خێزانەکەمە و دەبینین داهاتوو چی بەدوای خۆیدا دەهێنێت